- టార్గెట్ రీచ్ కాని 37 రైస్ మిల్లులు
- ప్రభుత్వానికి చేరని 34,350 మెట్రిక్ టన్నుల బియ్యం
- జుక్కల్ పరిధిలోని మిల్లుల నుంచే ఎక్కువగా రావాల్సి ఉంది
- మిల్లుల్లో గింజ వడ్లు లేవ్.. మరి అడ్జస్ట్ మెంట్ ఎలా?
కామారెడ్డి, వెలుగు : కామారెడ్డి జిల్లాలోని రైస్మిల్లులకు ప్రభుత్వం ఇచ్చిన గడువు నేటితో ముగియనుంది. జిల్లా వ్యాప్తంగా మొత్తం 163 రైస్ మిల్లులు ఉండగా, 37 మిల్లులు సీఎంఆర్ టార్గెట్ను రీచ్కాలేదు. ఇంకా ప్రభుత్వానికి 34,350 మెట్రిక్టన్నుల బియ్యం ఇవ్వాల్సి ఉంది. వీటిలో ఎక్కువ మిల్లులు జుక్కల్ నియోజకవర్గ పరిధిలోనే ఉన్నాయి.
2022–23 వానకాలం సీజన్ లో ప్రభుత్వం రైతుల నుంచి 4లక్షల75 వేల మెట్రిక్టన్నుల వడ్లను కొనుగోలు చేసి మిల్లర్లకు అప్పగించింది. వాటిని మరాడించి సీఎంఆర్కింద 3లక్షల48 వేల మెట్రిక్టన్నుల బియ్యాన్ని ప్రభుత్వానికి ఇవ్వాల్సి ఉంది. ఎన్ని గడువులు ఇచ్చినా మిల్లర్లు సీఎంఆర్ టార్గెట్రీచ్కాకపోవడంతో, కాంగ్రెస్ప్రభుత్వం సీరియస్ గా తీసుకుంది.
జనవరి నెలాఖరులోగా ఎట్టి పరిస్థితుల్లో టార్గెట్ పూర్తి చేయాలని ఆదేశించింది. అయితే ఈ నెల 29 వరకు 3లక్షల13వేల600 మెట్రిక్ టన్నుల(89శాతం) సీఎంఆర్ను మిల్లర్లు అప్పగించారు. ఇంకా 34వేల350 మెట్రిక్టన్నులు(11శాతం) రావాల్సి ఉంది. కొందరు బయట నుంచి తెచ్చి ఇస్తుండగా, చాలా మిల్లుల్లో వడ్ల గింజ కూడా లేదు. లీజుకు తీసుకుని నడిపిస్తున్న మిల్లులే టార్గెట్రీచ్కాలేదని తెలుస్తోంది.
గతంలోనూ ఇంతే..
కామారెడ్డి జిల్లాలోని163 రైస్మిల్లులకు ఆయా సీజన్లలో ప్రభుత్వం వడ్లు అప్పగించింది. ప్రస్తుతం వీటిలో 37 రైస్మిల్లులు సీఎంఆర్టార్గెట్రీచ్కాలేదు. ఇందులో జుక్కల్నియోజకవర్గంలో లీజుకు తీసుకుని నడిపిస్తున్నవే ఎక్కువగా ఉన్నట్లు సమాచారం. గతంలో సీఎంఆర్టార్గెట్పూర్తిచేయని రైస్మిల్లులకే సివిల్సప్లయ్అధికారులు తిరిగి సీఎంఆర్వడ్లను కేటాయించారు. అప్పుడే చర్యలు తీసుకొని, నిర్లక్ష్యంగా వ్యవహరిస్తున్న మిల్లర్లకు కేటాయించకుండా ఉంటే ఈపాటికి టార్గెట్పూర్తయ్యేదని జనం అభిప్రాయపడుతున్నారు.
కానీ సంబంధిత అధికారులు ఇష్టానుసారంగా వడ్లు అప్పగించారనే ఆరోపణలు ఉన్నాయి. ప్రభుత్వం కేటాయించిన వడ్లు పక్కదారి పట్టినట్లు స్పష్టంగా తెలుస్తోంది. రేషన్బియ్యం పాలిష్పట్టి సీఎంఆర్ అడ్జస్ట్మెంట్చేసే ప్రయత్నంలో కొందరు మిల్లర్లు ఉన్నట్లు సమాచారం. ఇటీవల అధికారులు జరిపిన తనిఖీల్లో మిల్లులు ఖాళీగా ఉన్నాయని, గింజ వడ్లు కూడా లేవని తెలుస్తోంది. ఉన్నతాధికారులు ఆకస్మిక తనిఖీలు చేస్తే మిల్లర్ల అక్రమాలు బయటకు వచ్చే అవకాశాలు ఉన్నాయి
నిజామాబాద్లో 2.44లక్షల క్వింటాళ్లు మాయం
నిజామాబాద్ జిల్లాలోని 9 రైస్మిల్లుల్లో 2లక్షల44వేల553 క్వింటాళ్ల సీఎంఆర్ వడ్లు గాయబ్ అయినట్లు గుర్తించామని కలెక్టర్ రాజీవ్గాంధీ హన్మంతు చెప్పారు. వాటి విలువ రూ.52.88 కోట్లని పేర్కొన్నారు. ఈ మేరకు మంగళవారం ఓ ప్రకటన విడుదల చేశారు. వర్ని మండలంలోని ఎంఎస్ఆర్ ఆగ్రో ఇండస్ట్రీస్, మెసర్స్సర్ ట్రేడర్స్, గంగా రైస్మిల్, రాయల్ట్రేడింగ్ కంపెనీ, నిజామాబాద్ మండలంలోని వెంకటలక్ష్మీ ఆగ్రో ఇండస్ట్రీస్, లక్ష్మీశ్రీదేవి ఇండస్ట్రీస్, శేషాద్రి ఆగ్రో ఇండస్ట్రీస్
లక్ష్మీగణపతి నరసింహ ఆగ్రో ఇండస్ట్రీస్, బోధన్లోని దాదాబాయ్ ఇండ్రస్ట్రీస్ ప్రభుత్వ వడ్లను పక్కదారి పట్టించినట్లు తేలిందన్నారు. 9 మిల్లులపై ఆర్ఆర్ యాక్ట్ కింద రికవరీ చర్యలు చేపట్టాలని తహసీల్దార్లను ఆదేశించామన్నారు. అక్రమాలకు పాల్పడిన మిల్లర్లు వడ్ల విలువ డబ్బును ప్రభుత్వ ఖాతాలో జమ చేయడానికి ఆఖరు అవకాశం ఇస్తున్నామన్నారు.
టార్గెట్ రీచ్ కాకపోతే చర్యలుంటయ్
సీఎంఆర్ టార్గెట్ రీచ్ కాని మిల్లులపై కఠిన చర్యలు తీసుకుంటాం. గడువులోగా 100 శాతం పూర్తిచేయాలి. లేకుంటే 25 శాతం అదనంగా ఇవ్వాల్సి ఉంటుంది. పెండింగ్ఉన్న మిల్లులకు వచ్చే సీజన్లలో కేటాయింపులు ఉండవ్.
చంద్రమోహన్, కామారెడ్డి అడిషనల్ కలెక్టర్
