- ఉత్తర్వులు జారీ చేసిన సర్కారు
ఏటూరునాగారం, వెలుగు : ములుగు జిల్లాలోని ఏటూరునాగారంలో బస్ డిపో నిర్మాణానికి రాష్ర్ట ప్రభుత్వం ఉత్వర్వులు జారీ చేసింది. త్వరలో నే పనులు ప్రారంభించనున్నట్లు పేర్కొంది. ఉత్తర్వులు జారీ చేయడంతో జిల్లాకు చెందిన మంత్రి సీతక్క రాష్ట్ర రవాణాశాఖ మంత్రి పొన్నం ప్రభాకర్, మంత్రి పొంగులేటి శ్రీనివాస్ రెడ్డి, రవాణా శాఖ స్పెషల్ చీఫ్ సెక్రటరీ వికాస్ రాజ్ లను కలిసి శాలువాలతో సత్కరించి ధన్యవాదాలు తెలిపారు.
వీరి వెంట కాంగ్రెస్ జిల్లా అధ్యక్షుడు పైడాకుల అశోక్ ఉన్నారు. ఏటూరునాగారం మండల కేంద్రంలో బస్ డిపో అనుమతులకు హర్షం వ్యక్తం చేస్తూ కాంగ్రెస్ నాయకులు సంబురాలు చేసుకున్నారు. కాంగ్రెస్ పార్టీ మండల అధ్యక్షుడు చిటమట రఘు ఆధ్వర్యంలో పార్టీ కార్యకర్తలు, స్థానికులు బస్ స్టేషన్ లో సీఎం రేవంత్ రెడ్డి, మంత్రులు సీతక్క, పొన్నం ప్రభాకర్ ఫొటోలకు క్షీరాభిషేకం నిర్వహించి కృతజ్క్షతలు తెలిపారు.
