శంషాబాద్ ఎయిర్ పోర్ట్ కాలనీలోని హనుమాన్ దేవాలయంపై గుర్తు తెలియని దుండగులు దాడి చేశారు. సికింద్రాబాద్ ముత్యాలమ్మ తల్లి దేవాలయాలపై జరిగిన దాడి రాష్ట్రంలో సంచలనంగా మారింది. మంగళవారం శంషాబాద్ ఎయిర్పోర్ట్ కాలనీలో హనుమాన్ దేవాలయంలోని నవగ్రహాల విగ్రహాలను గుర్తు తెలియని దుండగులు ధ్వంసం చేశారు. ఉదయాన్నే పూజ కోసం వచ్చిన అయ్యప్ప స్వాములు విగ్రహాల ద్వంశాన్ని గుర్తించి పోలీసులకు సమాచారం అందించారు.
సంఘటన స్థలానికి చేరుకున్న పోలీసులు ఈ దాడికి పాల్పడ్డ నిందితులను పట్టుకుంటామని అన్నారు. విషయం తెలుసుకున్న శంషాబాద్ ప్రజలు భారీ స్థాయిలో దేవాలయం వద్దకు చేరుకుంటున్నారు. స్థానికులు నిందితులను వెంటనే పట్టుకొని శిక్షించాలని ఆగ్రహం వ్యక్తం చేస్తున్నారు. అక్కడ ఎలాంటి అవాంచనీయ పరిస్థితులు తలెత్తకుండా పోలీసులు భారీ ఎత్తున బలగాలను మోహరిస్తున్నారు.
