- అజర్బైజాన్ సరిహద్దుల్లోని అటవీ ప్రాంతంలో ప్రమాదం
- డ్యామ్ను ప్రారంభించి వస్తుండగా ఘటన
- హెలికాప్టర్లో ప్రెసిడెంట్ ఇబ్రహీం రైసీతో పాటు విదేశాంగ మంత్రి హోసేన్
- కాన్వాయ్లోని మూడు హెలికాప్టర్స్లో రెండు సేఫ్
- గాలింపు చర్యలు చేపట్టిన రెస్క్యూ సిబ్బంది
- భారీ వర్షాలతో సహాయక చర్యలకు ఆటంకం
- ప్రమాదంపై ప్రపంచ నేతల దిగ్భ్రాంతి
దుబాయ్: ఇరాన్అధ్యక్షుడు ఇబ్రహీం రైసీ ప్రయాణిస్తున్న హెలికాప్టర్ ప్రమాదానికి గురైంది. అది అటవీప్రాంతంలో కుప్పకూలింది. ఇరాన్ రాజధాని టెహ్రాన్కు వాయువ్యంగా 600 కిలోమీటర్ల దూరంలో ఉన్న అజర్బైజాన్ సరిహద్దుల్లోని జోల్ఫా సిటీకి సమీపంలో ఈ ఘటన జరిగింది. అధ్యక్షుడి చాపర్తోపాటు కాన్వాయ్లో మరో రెండు హెలికాప్టర్లు ఉన్నాయి. ఈ రెండు గమ్యస్థానానికి సేఫ్గా చేరుకున్నట్టు అధికారులు వెల్లడించారు.
వాతావరణం అనుకూలించకపోవడంతోనే ఇబ్రహీం రైసీ ప్రయాణిస్తున్న హెలికాప్టర్ కూలిపోయినట్టు భావిస్తున్నారు. ఈ ఘటన జరిగిన చోటికి రెస్క్యూ సిబ్బంది చేరుకునే ప్రయత్నం చేస్తున్నారు. అయితే, భారీవర్షం, గాలుల వల్ల సహాయక చర్యలకు ఆటంకాలు కలుగుతున్నాయి.
రైసీతోపాటు హెలికాప్టర్ లో ఆ దేశ విదేశాంగ మంత్రి హోసేన్ అమిరాబ్దోల్లాహియాన్‌, ఈస్ట్ అజర్బైజాన్ ప్రావిన్స్‌ గవర్నర్‌, బాడీగార్డ్స్ ఇతర అధికారులు ప్రయాణిస్తున్నారు. సంఘటనా స్థలంలో ఓ చాపర్ క్రాష్ అయినట్టు ఓ లోకల్ ఆఫీసర్ పేర్కొన్నాడు. అయితే, ఆ అధికారి అక్కడికి చేరుకున్నాడా? లేదా? అనేదానిపై ఎలాంటి అధికారిక ప్రకటన రాలేదు. ప్రమాదానికి గురైన హెలికాప్టర్లో రైసీ ఉన్నారా? లేరా?.. రైసీ పరిస్థితి ఏంటి అనేదానిపై కూడా అంతర్జాతీయ మీడియాగానీ, దేశ అధికారిక మీడియాగానీ ఎలాంటి స్పష్టత ఇవ్వలేదు.
రైసీ హెలికాప్టర్ప్రమాదానికి గురైనట్టు అధికారుల భావిస్తున్న చోటుకి ఓ రెస్క్యూ హెలికాప్టర్ చేరుకునేందుకు ప్రయత్నించగా, భారీ పొగమంచు కారణంగా ల్యాండ్ కాలేకపోయిందని ఇరాన్ ఎమర్జెన్సీ సర్వీసెస్ అధికార ప్రతినిధి బాబక్ ఎక్తాపరసత్ మీడియాకు తెలిపారు.
డ్యామ్ను ప్రారంభించి వస్తుండగా..
ఇరాన్, అజర్బైజాన్ సరిహద్దుల్లోని అరస్ నదిపై ఆ రెండు దేశాలు కలిసి డ్యామ్ నిర్మించాయి. దీన్ని అజర్బైజాన్ అధ్యక్షుడు ఇల్హామ్ అలియేవ్‌తో కలిసి ప్రారంభించేందుకు ఆదివారం అజర్బైజాన్లో పర్యటించాలని ఇబ్రహీం రైసీ షెడ్యూల్ నిర్ణయించారు. ఈ పర్యటన ముగించుకొని వస్తుండగా ప్రమాదం జరిగింది.
ఘటనపై ప్రపంచ నేతల దిగ్భ్రాంతి
ఇరాన్అధ్యక్షుడి హెలికాప్టర్ క్రాష్ అయిన విషయం తెలుసుకున్న ప్రపంచ నేతలు దిగ్భ్రాంతి వ్యక్తంచేశారు. ఆ దేశ ప్రజలకు భారత ప్రధాని మోదీ సంఘీభావం ప్రకటించారు. అధ్యక్షుడు, ఆయన పరివారం క్షేమం కోసం ప్రార్థిస్తున్నట్టు పేర్కొన్నారు. కాగా, ఇరాన్ అధ్యక్షుడు ఇబ్రహీం రైసీ హెలికాప్టర్ ప్రమాదానికి గురైన ఘటనను నిశితంగా పరిశీలిస్తున్నట్టు యూఎస్ తెలిపింది.
ఈ సమయంలో దీనిపై ఎలాంటి కామెంట్స్ చేయబోమని పేర్కొంది. ఇరాన్కు సంబంధించి బాధ కలిగించే వార్త విన్నామని పాకిస్తాన్ప్రధాని షెహబాజ్ షరీఫ్ పేర్కొన్నారు. ఆ దేశ అధ్యక్షుడు ఇబ్రహీం రైసీ బతికి ఉన్నాడనే శుభవార్త కోసం ఉత్సుకతతో ఎదురు చూస్తున్నామని తెలిపారు. సహాయక చర్యల్లో పొరుగు దేశానికి ఎలాంటి సహకారమైనా అందించేందుకు సిద్ధమని అర్మేనియా తెలిపింది.
