హైదరాబాద్, వెలుగు : తమ మెంబర్ కంపెనీలు 12 నెలల్లో ఫార్మల్ సెక్టార్కు 1.31 లక్షల ఫ్లెక్సీ జాబ్స్ను (కాంట్రాక్ట్, టెంపరరీ) అందించాయని ఇండియన్ స్టాఫింగ్ ఫెడరేషన్ (ఐఎస్ఎఫ్) వెల్లడించింది. ఇవి జనరల్ స్టాఫింగ్, ఐటీ స్టాఫింగ్లో ఎక్కువగా ఉన్నాయి. జులై 2022–- జూన్ 2023 మధ్య కాలంలో ఈ జాబ్స్ వచ్చాయి. ఫ్లెక్సీ స్టాఫింగ్ పరిశ్రమ సంవత్సరానికి 12.5 శాతం వృద్ధి చెందింది. 2023 జనవరి–-మార్చి 2023తో పోల్చితే ఇది ఈ ఏడాది ఏప్రిల్–-జూన్ లో 5.6శాతం వృద్ధిని సాధించింది. దీనిని బట్టి చూస్తే ఫ్లెక్సీ (కాంట్రాక్ట్) వర్క్‌‌ఫోర్స్‌‌కు బలమైన డిమాండ్ ఉన్నట్టు అర్థం చేసుకోవచ్చు.
ALSO READ: హైదరాబాద్‌‌లో మిల్లెట్స్ కాన్‌‌క్లేవ్‌
ముఖ్యంగా ఈ–కామర్స్, లాజిస్టిక్స్, మ్యానుఫ్యాక్చరింగ్, హెల్త్‌‌కేర్, ఎఫ్‌‌ఎంసీజీ, ఎనర్జీ, రిటైల్ బ్యాంకింగ్ వంటి కీలక రంగాలలో కాంట్రాక్టు ఉద్యోగాలకు డిమాండ్ పెరిగింది. ఈ ఏడాది జూన్ నాటికి ఫార్మల్ ఫ్లెక్సీ వర్క్‌‌ఫోర్స్ 1.5 మిలియన్లకు చేరుకుందని ఇండియన్ స్టాఫింగ్ ఫెడరేషన్ ఈడీ సుచితా దత్తా అన్నారు. ఫ్లెక్సీ వర్క్‌‌ఫోర్స్ మార్కెట్లలో తెలంగాణ టాప్–5లో ఉందని చెప్పారు. ఇండియన్ స్టాఫింగ్ ఫెడరేషన్.. ఇది ఫార్మల్ స్టాఫింగ్, ఫెసిలిటీ మేనేజ్‌‌మెంట్, సెక్యూరిటీ సర్వీసెస్ కంపెనీలకు ప్రాతినిధ్యం వహిస్తుంది.
