నల్గొండ, వెలుగు: పిల్లి పెట్టిన లొల్లి కేసు నల్గొండ పోలీసులకు తలనొప్పిగా మారింది. తమదంటే తమదంటూ రెండు కుటుంబాలు స్టేషన్లో గొడవకు దిగాయి. వివరాల్లోకి వెళ్తే.. నల్గొండ టౌన్ రహమత్ నగర్కు చెందిన పుష్పలత పిల్లిని పెంచుకుంటూ దానికి ‘పఫి’ అనే పేరు పెట్టుకుంది. గతేడాది జూన్ నుంచి పిల్లి కనిపించకుండాపోగా ఆమె టూటౌన్ పీఎస్లో ఫిర్యాదు చేయగా మిస్సింగ్ కేసు పెట్టారు. కాగా ఆమె ఉండే గల్లీలోని ఆశ్రఫ్ కుటుంబం వద్ద పిల్లి కనిపించింది. దీంతో పుష్పలత శుక్రవారం స్టేషన్కు వెళ్లి పోలీసులకు తెలిపింది.
పిల్లిని గుర్తు పట్టకుండా రంగు వేశారని ఆరోపిస్తూ ఫిర్యాదు చేసింది. దీంతో అశ్రఫ్ కుటుంబ సభ్యులను పిలిపించి విచారించగా.. ఓ వ్యక్తి వద్ద రూ.3,500 కొన్నట్టు తెలిపారు. మరోవైపు రెండు కుటుంబాల పంచాయితీ కాస్తా ఎస్పీ వద్దకు చేరింది. పిల్లి హెయిర్ శాంపిల్స్ తీసుకుని టెస్ట్ల కోసం ఫోరెన్సిక్ ల్యాబ్కు పంపారు. పుష్పలత వాదిస్తున్నట్టు పిల్లికి రంగు వేశారా..? అశ్రఫ్ చెబుతున్నట్టు అది పుట్టుకతో వచ్చిన కలరా..? అనేది రిపోర్ట్లో తేలనుంది. ప్రస్తుతం పిల్లి (పఫి) అశ్రఫ్ కుటుంబ వద్దనే ఉంది. పిల్లి లొల్లిని తేల్చే పనిలో పోలీసులు ఉన్నారు.
