- ఒంటి గంటకు పీహెచ్సీని ప్రారంభించిన ఎమ్మెల్యే పాల్వాయి
- అదే బిల్డింగ్ను 3 గంటలకు ఓపెన్ చేసిన జడ్పీ చైర్మన్ కృష్ణారావు
దహెగాం, వెలుగు : కొత్తగా నిర్మించిన పీహెచ్ సీ బిల్డింగ్ను ఒకేరోజు ఇద్దరు ప్రజాప్రతినిధులు వేర్వేరుగా ప్రారంభించడం చర్చనీయాంశమైంది. ఆసిఫాబాద్ జిల్లా దహెగాం మండల కేంద్రంలో రూ.1.56 కోట్ల 15వఆర్థిక సంఘం నిధులతో పీహెచ్సీ బిల్డింగ్ నిర్మించారు. ఈ బిల్డింగ్ను ఆదివారం మంత్రి సీతక్క ప్రారంభించాల్సి ఉండగా.. అనివార్య కారణాలతో ఆమె ఈ ప్రోగ్రాం క్యాన్సిల్ అయ్యింది. ఇదిలాఉంటే సిర్పూర్ ఎమ్మెల్యే పాల్వాయి హరీశ్బాబు మధ్యాహ్నం ఒంటి గంటకు పీఏసీఎస్ చైర్మన్ తిరుపతి గౌడ్, వైస్ చైర్మన్ ధనుంజయ
డిప్యూటీ డీఎంహెచ్వో సీతారాం నాయక్, ఈఈలు ప్రభాకర్, రామ్మోహన్, ఇన్చార్జి మెడికల్ ఆఫీసర్అశ్విని, ఎంపీటీసీ రాపర్తి జయలక్ష్మితో కలిసి బిల్డింగ్ను ప్రారంభించారు. ఇక అదే భవనాన్ని మధ్యాహ్నం 3 గంటలకు జడ్పీటీసీ తాళ్లపల్లి శ్రీరామారావ్, ఎంపీపీ కంభగౌని సులోచన తదితరులతో కలిసి జడ్పీ చైర్మన్ కోనేరు కృష్ణారావు మరోసారి ప్రారంభించారు. ఒకే భవనాన్ని ఒకేరోజు ఇద్దరు నేతలు వేర్వేరుగా ప్రారంభించడం చర్చనీయాంశమైంది. నేతల మధ్య పొరపొచ్చాలు, అధికారుల మధ్య సమన్వయలోపంతోనే ఇలా జరిగిందని జనం చర్చించుకుంటున్నారు.
