పవర్ స్టార్ పవన్ కళ్యాణ్(Pawan Kalyan) .. సుప్రీం హీరో సాయి ధరమ్ తేజ్(Sai Dharam Tej) కాంబోలో వస్తున్న మూవీ 'BRO'. తమిళంలో సూపర్‌ హిట్టైన వినోదయ సిత్తం మూవీకు రీమేక్‌గా రాబోతుంది. సముద్రఖని డైరెక్ట్ చేస్తున్న ఈ మూవీ నుంచి బిగ్ అప్డేట్ ఇచ్చారు మేకర్స్. రేపు (జూలై 22న) సా.6:03 గంటలకు 'BRO' మూవీ ట్రైలర్ రిలీజ్ చేయనున్నట్లు ప్రకటించారు. దీంతో మూవీ టీం.. పవన్ ఫ్యాన్స్ కు ఫుల్ జోష్ ఇవ్వునున్నట్లు తెలుస్తోంది.
రీసెంట్ గా రిలీజైన టీజర్ లో ' కాలం మీ గడియారానికి అందని ఇంద్రజాలం' అంటూ పవన్ చెప్పే డైలాగ్ ఫ్యాన్స్ ను ఆకట్టుకుంది. ఇక ట్రైలర్ లో పవన్ నుంచి వచ్చే డైలాగ్స్ కోసం ఫ్యాన్స్ వెయిట్ చేస్తున్నట్లు సోషల్ మీడియా లో కామెంట్స్ పెడుతున్నారు. ఈ మూవీలో సాయి ధరమ్ గురువుగా పవర్ స్టార్ నటిస్తుండటంతో అభిమానుల్లో పూనకాలు లోడ్ అవుతున్నాయి.
ఇప్పటికే ఈ మూవీ నుండి రిలీజైన పోస్టర్స్ తెగ ట్రెండింగ్ లో ఉన్నాయి. ప్రపంచవ్యాప్తంగా జులై 28న ఈ మూవీ రిలీజ్ కాబోతుంది.కాగా ఈ సినిమాను పిపుల్స్ మీడియా ఫ్యాక్టరీ, జీ స్టూడియోస్ కలిసి సంయుక్తంగా నిర్మిస్తున్నాయి. థమన్ సంగీతం అందిస్తుండగా..కేతిక శర్మ, ప్రియా ప్రకాశ్ వారియర్ హీరోయిన్లుగా నటిస్తున్నారు.
