- యూపీలోని హత్రాస్లో ఘోరం
హత్రాస్: స్కూల్ డెవలప్ కావాలని క్షుద్ర పూజలు చేసిన యజమాని.. అందులో భాగంగా ఓ విద్యార్థిని బలిచ్చాడు. రెండో క్లాస్ చదుతువున్న పిల్లాడిని హాస్టల్లోనే ప్రాణం తీశారు. వారం కింద ఉత్తరప్రదేశ్ హత్రాస్లోని ఓ ప్రైవేటు స్కూల్లో జరిగిన ఈ దారుణం శుక్రవారం బయటపడింది. చిన్నారిని చంపేసిన డైరెక్టర్ జసోధన్ సింగ్తో పాటు అతడి కొడుకు దినేశ్ బాఘేల్, మరో ముగ్గురి సిబ్బందిని పోలీసులు అరెస్ట్ చేశారు. స్కూల్ అనుకున్నంతగా డెవలప్ కావడంలేదని యజమాని జశోధన్ సింగ్ అతడి కొడుకు దినేశ్ బాఘెల్కిందటి వారం క్షుద్ర పూజలు చేయించారు.
నరబలి ఇస్తే స్కూలు దశ తిరుగుతుందని భావించి హాస్టల్ లో ఉంటున్న కృతార్థ్ అనే రెండో తరగతి విద్యార్థిని దీనికోసం ఎంచుకున్నారు. ప్లాన్ ప్రకారం కృతార్థ్ ను ఈ నెల 23న హాస్టల్ నుంచి ఎత్తుకెళ్లేందుకు ప్రయత్నించారు. అయితే, నిద్రలో నుంచి మేల్కొన్న కృతార్థ్.. భయంతో కేకలు వేశాడు. దీంతో కృతార్థ్ను అక్కడే గొంతు నులిమి చంపేశారు. కొడుకు చనిపోయాడన్న సమాచారంతో హాస్టల్కు వచ్చిన కృతార్థ్ తండ్రి.. పోలీసులకు ఫిర్యాదు చేశారు. దీంతో పోలీసులు
దర్యాఫ్తు చేయగా.. నరబలి విషయం బయటపడింది.
