మహబూబ్నగర్, వెలుగు: ఎన్నికలు సమీపిస్తుండడంతో పాలమూరు ప్రతిపక్షాలు యాక్టివ్‌ మోడ్‌‌‌‌‌‌‌‌లోకి వచ్చేశాయి. మూడున్నరేండ్లుగా అడపాదడపా నిరసనలు తప్ప పెద్దగా జనాల్లోకి వెళ్లని పార్టీలు రెండుమూడు నెలలుగా జోరు పెంచాయి. ప్రభుత్వంపై వ్యతిరేకతను టార్గెట్‌‌‌‌‌‌‌‌గా చేసుకొని అటు బీజేపీ, ఇటు కాంగ్రెస్ రోజుకో ప్రోగ్రామ్‌ పేరుతో ప్రజల్లోకి వెళ్తున్నాయి. ముఖ్యంగా నిరుద్యోగ సమస్యపై యూత్, వ్యవసాయ రంగ సమస్యలపై రైతాంగంతో కలిసి పోరాటాలు చేస్తున్నాయి. అధికార పార్టీ కూడా సంక్షేమ పథకాలు, అభివృద్ధి కార్యక్రమాల పేరిట జనాల వద్దకు వెళ్తోంది.
లోకల్‌ ఇష్యూస్‌‌‌‌‌‌‌‌పై ఎటాక్
కాంగ్రెస్, బీజేపీలు లోకల్‌ ఇష్యూస్తో ప్రభుత్వంపై ఎటాక్ చేస్తున్నాయి. బీజేపీ జాతీయ ఉపాధ్యక్షురాలు డీకే అరుణ, జాతీయ కార్యవర్గ సభ్యుడు ఏపీ జితేందర్రెడ్డి 69 జీవో అమలు, పెండింగ్ ఇరిగేషన్ ప్రాజెక్టులపై ప్రభుత్వాన్ని ప్రశ్నిస్తున్నారు. కేంద్రం నిధులతోనే పనులు చేస్తూ.. తిరిగి కేంద్రంపైనే కేసీఆర్‌ ఆరోపణలు చేస్తున్నారని ఫైర్ అవుతున్నారు. రూలింగ్పార్టీకి చెందిన లీడర్ల ఇసుక, మట్టి, భూ దందాలపై విరుచుకు పడుతున్నారు. ఇదే సమయంలో కేంద్రం అమలు చేస్తున్న సంక్షేమ పథకాల గురించి కేడర్కు దిశానిర్దేశం చేస్తున్నారు. మహబూబ్నగర్ డీసీసీ కొత్త ప్రెసిడెంట్‌ జి.మధుసూదన్రెడ్డి (జీఎంఆర్) జెట్స్పీడులో దూసుకుపోతున్నారు. ఇటీవల భూత్ఫూర్‌ మున్సిపాలిటీలోని సిద్దాయిపల్లిలో అనర్హులకు ఇండ్లు కేటాయించారని ఆరోపిస్తూ పేదలతో కలిసి భూత్ఫూర్‌ నుంచి కలెక్టరేట్‌ వరకు ర్యాలీ నిర్వహించారు. ఏఐసీసీ సెక్రటరీ సంపత్ కుమార్, మాజీ మంత్రులు చిన్నారెడ్డి, నాగం జనార్దన్ రెడ్డి, నాగర్కర్నూల్డీసీసీ అధ్యక్షుడు వంశీకృష్ణ పెండింగ్ కేఎల్‌‌‌‌‌‌‌‌ఐ కెనాల్స్‌, నెట్టెంపాడు, మార్కండేయ లిఫ్ట్ ఇష్యూస్తో పాటు రైతులకు మద్దతు ధర, ఎమ్మెల్యేల మట్టి, ఇసుక దందాపై ప్రజలతో కలిసి ఉద్యమాలు చేస్తున్నారు.
డిఫరెంట్ కాన్సెప్ట్తో జనంలోకి..
జడ్చర్ల కాంగ్రెస్ లీడర్జనంపల్లి అనిరుధ్రెడ్డి డిఫరెంట్ కాన్సెప్ట్తో ప్రజల్లోకి వెళ్తున్నారు. డిసెంబరు 31 ఆయన బర్త్డే ఉంటే, ఒక రోజు ముందే డిసెంబర్30న రాత్రి మ్యూజికల్ నైట్ నిర్వహించారు. బీఆర్‌‌‌‌‌‌‌‌‌‌‌‌‌‌‌‌ఆర్‌ డిగ్రీ కాలేజ్ గ్రౌండ్‌‌‌‌‌‌‌‌లో నిర్వహించిన ఈ కార్యక్రమానికి జడ్చర్ల టౌన్‌‌‌‌‌‌‌‌తో పాటు చుట్టూ మండలాలకు చెందిన దాదాపు 30 వేల మంది హాజరయ్యారు. సంక్రాంతి పండుగ సందర్భంగా ఆన్లైన్ ద్వారా ముగ్గుల పోటీ నిర్వహిస్తున్నారు ఈ ముగ్గుల పోటీలో ఇప్పటికే 20 వేల మంది మహిళలు పాల్గొంటుండగా, పండుగ రోజు విన్నర్స్ను అనౌన్స్ చేయనున్నారు. అలాగే ప్రజా సమస్యలు, పీఆర్‌‌‌‌‌‌‌‌‌‌‌‌‌‌‌‌ఎల్‌‌‌‌‌‌‌‌ఐ నిర్వాసితుల పక్షాన పోరాటం చేస్తున్నారు.
ప్రారంభోత్సవాలు.. శంకుస్థాపనలు..
రూలింగ్ పార్టీ ఎంపీలు, మంత్రులు, ఎమ్మెల్యేలు డెయిలీ గ్రామాల్లో పర్యటిస్తున్నారు. కల్యాణలక్ష్మి, షాదీ ముబారక్, సీఎం రిలీఫ్‌ ఫండ్‌ చెక్కులు, సీసీ రోడ్లకు భూమి పూజలు.. లాంటి చిన్న కార్యక్రమాలకు కూడా చీఫ్గెస్టులుగా హాజరవుతున్నారు. ఎమ్మెల్యే మర్రి జనార్దన్ రెడ్డి ‘గుడ్‌ మార్నింగ్ నాగర్ కర్నూల్’ పేరిట ప్రతి రోజూ జనాల్లోకి వెళ్తున్నారు. మంత్రులు నిరంజన్‌ రెడ్డి, శ్రీనివాస్ గౌడ్‌‌‌‌‌‌‌‌లు సైతం ఎక్కువ సమయం నియోజకర్గంలోనే ఉంటున్నారు.
పాదయాత్రతో ఎల్లేని అట్రాక్ట్
కొల్లాపూర్ నుంచి బీజేపీ లీడర్ ఎల్లేని సుధాకర్రావు పాదయాత్రతో జనాన్ని అట్రాక్ట్ చేస్తున్నారు. డిసెంబరు 8న చిన్నంబావి మండలం మియాపూర్ గ్రామం సత్యమ్మ తల్లి దేవత టెంపుల్ నుంచి మొదలైన ఆయన యాత్ర ఇప్పటికే 500 కి.మీ. దాటింది. ఈ నెల 12న యాత్ర కొల్లాపూర్‌‌‌‌‌‌‌‌‌‌‌‌‌‌‌‌కు చేరుకొని ఎండ్ కానుంది. ఈ యాత్రలో హుజూరాబాద్ఎమ్మెల్యే ఈటల రాజేందర్, రాజ్యసభ సభ్యుడు లక్ష్మణ్‌ పాల్గొన్నారు. యాత్ర ముగింపు సభకు పార్టీ స్టేట్ చీఫ్బండి సంజయ్ కుమార్ హాజరుకానుండటతో అంతటా ఆసక్తి నెలకొన్నది. ఇదే నియోజకవర్గానికి చెందిన మాజీ మంత్రి జూపల్లి కృష్ణారావు తన హయాంలో జరిగిన అభివృద్ధి పనులతో క్యాలెండర్ రెడీ చేయించి.. స్వయంగా ఇంటింటికి తిరిగి పంపిణీ చేస్తున్నారు.
