కొల్లాపూర్, వెలుగు: కాంగ్రెస్ నుంచి గెలిచి పార్టీకి ద్రోహం చేసిన ఎమ్మెల్యేకు పార్టీ కార్యకర్తలు బుద్ది చెప్పాలని మాజీ మంత్రి జూపల్లి కృష్ణారావు పిలుపునిచ్చారు. కోడేరు మండలం పసుపుల గ్రామంలో గడప గడపకు కాంగ్రెస్ పార్టీ కార్యక్రమంలో భాగంగా శుక్రవారం పార్టీ నాయకులతో కలిసి గ్రామంలో ఇంటింటికీ తిరిగి కాంగ్రెస్అధికారంలోకి వచ్చిన తర్వాత చేపట్టబోయే సంక్షేమ పథకాల గురించి వివరించారు. గ్రామ సమస్యలను అడిగి తెలుసుకున్నారు.
ALSO READ : రైతుల అభివృద్ధి కోసం అనేక పథకాలు : మాలోతు కవిత
ప్రతి ఒక్కరూ పార్టీ గెలుపుకోసం కృషిచేయాలన్నారు. గత ఎన్నికల్లో కార్యకర్తలు కష్టపడి ఎమ్మెల్యేను గెలిపిస్తే తనపై పోరాడలేక 3 నెలలకే అధికార పార్టీకి అమ్ముడుపోయాడని ఎద్దేవా చేశారు. ఒక పార్టీలో గెలిచి ఇంకో పార్టీలోకి వెళ్లిన చరిత్ర కొల్లాపూర్లో ఎవరికీ లేదని, పార్టీని మోసం చేసిన వారికి కాంగ్రెస్ కార్యకర్తలే తగిన బుద్ది చెప్పాలన్నారు.
