గత 15 నెలలుగా ఇజ్రాయెల్, హమాస్ మధ్య జరుగుతున్న భీకర పోరాటానికి తాత్కాలికంగా తెరపడింది. శిథిలాల దిబ్బగా మారిన గాజాలో ప్రాణనష్టం, ఆస్తినష్టం తగ్గించడం, లక్షల మంది జీవితాలను సాధారణ స్థితికి తీసుకురావడమే లక్ష్యంగా ఇరుపక్షాల మధ్య కాల్పుల విరమణ ఒప్పందం జనవరి 19 నుంచి అమలులోకి వచ్చింది. ఈ కాల్పుల విరమణ ఒప్పందానికి అమెరికా, ఈజిప్ట్, ఖతార్ మధ్యవర్తిత్వం వహించాయి. ఈ ఒప్పందం మొదట ఆరు వారాలపాటు అమలులో ఉండనున్నది. ఇందులో భాగంగా ఇజ్రాయెల్ బలగాలు గాజాను క్రమంగా వీడుతాయి.
- 2023, అక్టోబర్ 7న ఇజ్రాయెల్పై హమాస్ చేసిన మెరుపుదాడిలో 1200 మందికిపైగా ఇజ్రాయెల్ పౌరులు మృతిచెందగా, 250 మందిని హమాస్ మిలిటెంట్లు బందీలుగా చేసుకున్నారు. దీంతో హమాస్ పై ఇజ్రాయెల్ విరుచుకుపడింది.
- హమాస్ అగ్రనేతలు ఇస్మాయెల్ హనియా, యహ్యా సిన్వార్తోపాటు కీలక నేతలను హతమార్చింది. గాజాపై ఇజ్రాయెల్ చేసిన దాడుల్లో 46 వేల మందికి పైగానే పాలస్తీనీయులు
- మరణించారు.
- యుద్ధంలో ధ్వంసమైన గాజా తిరిగి కోలుకోవడానికి 350 సంవత్సరాల సమయం పట్టవచ్చని అంచనా వేయడంతోపాటు కనీసం 18.5 బిలియన్ల అమెరికా డాలర్ల నిధులు అవసరం అవుతాయని ఐక్యరాజ్య సమితి తెలిపింది..
