- మత్తులో గొడవలు, వేధింపులు
- డ్రంకెన్ డ్రైవ్పై సీపీ ఫోకస్
నిజామాబాద్, వెలుగు : డ్రంకెన్డ్రైవ్కేసుల్లో పట్టుకున్నవారిని పోలీసులు నేరుగా జైలుకు పంపుతున్నారు. మత్తులో బండ్లు నడపడంవల్ల జరుగుతున్న యాక్సిడెంట్లు, గొడవలను సీపీ కల్మేశ్వర్సీరియస్గా తీసుకుంటున్నారు. జనవరి నుంచి మార్చి వరకు మూడు నెలల వ్యవధిలో డ్రంకెన్డ్రైవ్కేసుల్లో పట్టుకున్న 267 మందిని జైలుకు పంపారు.
ఎక్కడికక్కడే టెస్ట్లు
జిల్లావ్యాప్తంగా డ్రంకెన్ డ్రైవ్పై పోలీసులు ఫోకస్ పెట్టారు. హైవేలతోపాటు ప్రధానరోడ్లు, జనసంచారం ఎక్కువ ఉండే బస్డాండ్, చౌరస్తాలు, సినిమా థియేటర్ల దగ్గర టెస్ట్లు నిర్వహిస్తున్నారు.గతంలో రాత్రి మాత్రమే పరీక్షలు చేయగా ప్రస్తుతం పగటిపూట కూడా డ్రంకెన్ డ్రైవ్ టెస్ట్లు చేస్తున్నారు. మద్యం తాగి వాహనాలు నడుపుతూ పట్టుబడితే కేసు బుక్చేస్తున్నారు. గత మూడు నెలల్లో 649 కేసులు నమోదు అయ్యాయి. ఇందులో 267 మందికి 10 నుంచి 14 రోజుల జైలు శిక్ష పడింది. మిగిలిన వారికి కోర్టు జరిమానా విధించింది.
మత్తు వల్లే యాక్సిడెంట్లు.. గొడవలు
డ్రంకెన్ డ్రైవ్ వల్ల యాక్సిడెంట్లు పెరగడమే కాకుండా న్యూసెన్స్తదితర ఘటనలు పెరుగుతున్నాయి. గత యాడాది జిల్లాలో 767 రోడ్డు ప్రమాదాలు జరగగా.. 337 మంది చనిపోయారు. చనిపోయిన వారిలో దాదాపు వంద మందివరకు యువకులే ఉన్నారు. రోడ్ యాక్సిడెంట్లలో మద్యం తాగి బండ్లు నడపడంవల్ల జరిగినవే ఎక్కువ ఉన్నాయని పోలీసులు తేల్చారు. సరదాగా మందు పార్టీలు చేసుకుని యూత్ న్యూసెన్స్చేయడం, గొడవలకు దిగడం
నేరాలకు పాల్పడడం కూడా పెరిగిందని పోలీసులు చెప్తున్నారు. మద్యం మత్తులో యువతులను, మహిళలను వేధిస్తున్న కేసులు కూడా ఈమధ్య ఎక్కువగా నమోదవుతున్నాయి. ప్రమాదాలు, నేరాల నియంత్రణపై పోలీసులు ఇటీవల నిర్వహించిన స్టడీ ఆధారంగా డ్రంకెన్ డ్రైవ్ కు ప్రయారిటీ ఇవ్వాలని సీపీ డిసైడ్అయ్యారు.
శిక్ష పడితే భవిష్యత్ ఖతం
మద్యం తాగి పట్టుబడిన కేసుల్లో శిక్ష పడితే యువత భవిష్యత్మీద ప్రభావం చూపుతుంది. శిక్ష పడ్డట్టు పోలీసులు రికార్డుల్లో నమోదయితే గవర్నమెంట్ జాబ్స్.. ముఖ్యంగా పోలీస్ శాఖలో ఉద్యోగాలు రావడం కష్టమతుంది. ఇటీవల జిల్లాలో జరిగిన కానిస్టేబుల్ సెలెక్షన్స్లో అన్ని టెస్ట్ ల్లో పాస్ అయిన 20 మంది యువకులు కేవలం పోలీస్ కేసుల వల్ల అర్హత కోల్పోవలసివచ్చింది.
లోక్అదాలత్లో సెటిల్ అయిన కేసుల్లో ఉన్నవారిని కూడా కానిస్టేబుల్ఉద్యోగాలకు తీసుకోలేదు. ప్రభుత్వ ఉద్యోగాలకోసం ఏండ్ల తరబడి కష్టపడుతున్న యువత సరదా కోసం మద్యం తాగి వాహనాలు నడిపతే భవిష్యత్ అంధకారమయ్యే ప్రమాదం ఉందని పలువురు హెచ్చరిస్తున్నారు.
యూత్కు అవగాహన కల్పిస్తాం
మద్యం తాగి బండ్లు తోలడం వల్ల జరిగే నష్టాలపై పోలీస్ కళా బృందంతో జిల్లాలో ప్రదర్శనలు ఇప్పిస్తున్నాం. ట్రాఫిక్ పోలీసులు కాలేజీల్లో యూత్కోసం అవగాహన కార్యక్రమాలు నిర్వహిస్తారు.
సీపీ కల్మేశ్వర్
