స్నేహితులే కొట్టి చంపేశారు
జీడిమెట్ల, వెలుగు: జగద్గిరిగుట్ట ధీనబంధు కాలనీలో జరిగిన యువకుడి మర్డర్ కేసును పోలీసులు ఛేదించారు. స్నేహితులే హంతకులుగా తేల్చారు. ధీనబంధు కాలనీకి చెందిన మహ్మద్నదీమ్ పాషా, మహ్మద్ఖలీల్, కట్టా వరప్రసాద్ ముగ్గురు ఫ్రెండ్స్. ఆదివారం అర్ధరాత్రి 2 గంటలకు వడ్డేపల్లి ఎన్క్లేవ్వద్ద వరప్రసాద్బర్త్డే వేడుకలకు నదీమ్, ఖలీల్ హాజరయ్యారు. మద్యం సేవించిన అనంతరం ఇంటికి బయలుదేరగా, ఇద్దరి మధ్య గొడవ జరిగింది.
ఈ క్రమంలో ఖలీల్ను నదీమ్ పాషా చంపేప్తానని బెదిరించాడు. చెడు అలవాట్లకు బానిసై బ్లేడ్లను నోట్లో పెట్టుకుని తిరుగుతుండడం, గతంలో సైతం ఇదే విధంగా బెదిరించడంతో భయపడిన ఖలీల్.. తానే ముందుగా నదీమ్ని హత్య చేయాలని నిర్ణయించుకున్నాడు. తన ఫ్రెండ్ వరప్రసాద్తో కలిసి 3 గంటల ప్రాంతంలో అతడి ముఖం, తలపై విక్షణారహితంగా కొట్టి చంపేశాడు.
సీసీ కెమెరాల ఆధారంగా నిందితులను సోమవారం అరెస్ట్ చేసి రిమాండ్కు తరలించినట్లు బాలానగర్ ఏసీపీ హనుమంతరావు, సీఐ నర్సింహ తెలిపారు. నదీమ్పై గతంలో దొంగతనం కేసు నమోదైనట్లు పేర్కొన్నారు.
