- ఇందులో ఎంపీ అర్వింద్ గొప్ప ఏమిటి?
- బోర్డు ఏర్పాటు ప్రకటనకే పరిమితం
- రూరల్ ఎమ్మెల్యే డాక్టర్ భూపతిరెడ్డి
నిజామాబాద్, వెలుగు : పసుపు పంట సాగు విస్తీర్ణం తగ్గడంతోనే డిమాండ్ ఏర్పడి ధర పెరిగిందని రూరల్ ఎమ్మెల్యే డాక్టర్ భూపతిరెడ్డి అభిప్రాయపడ్డారు. ధర పెరుగుదలకు తానేదో చేసినట్లు ఎంపీ అర్వింద్ బిల్డప్ ఇవ్వడం విడ్డూరంగా ఉందని విమర్శించారు. డీసీసీ ఆఫీస్లో బుధవారం ఆయన మీడియాతో మాట్లాడారు. పసుపు బోర్డు ఏర్పాటు ఆరు నెలల నుంచి పేపర్పైనే ఉందని ఆఫీస్ ఎక్కడ నిర్మించాలనే విషయం డిసైడ్ కాలేదన్నారు.
పార్లమెంట్ఎలక్షన్లో లబ్ధి పొందడానికే అర్వింద్ బోగస్మాటలతో మోసం చేస్తున్నారని,ఈ విషయాన్ని రైతులు గమనించాలన్నారు. జిల్లాలో ఏటా 85 వేల ఎకరాల పసుపు సాగు కాగా ఈ ఏడు 35 వేలకు పడిపోయిందన్నారు. గడిచిన ఐదేండ్లలో ఆయన చేసిన డెవలప్మెంట్ ఏదీలేదన్నారు. ఉర్దూ అకాడమీ చైర్మన్ తాహెర్, కిసాన్ కేత్ జిల్లా అధ్యక్షుడు ముప్ప గంగారెడ్డి పాల్గొన్నారు.
