ఓటీటీలో హీరోల టాక్ షోస్ ఓ రేంజ్లో మొదలవుతున్నాయి. ఓ పక్క ఆహాలో బాలకృష్ణ హోస్ట్గా వ్యవహరిస్తున్న అన్‌స్టాపబుల్‌ ఇప్పటికే మూడు సీజన్స్ కంప్లీట్ చేసుకుని 4వ సీజన్ తో అలరిస్తోంది. ఇక లేటెస్ట్గా హీరో రానా దగ్గుబాటి హోస్ట్గా చేస్తోన్న ' ది రానా దగ్గుబాటి షో' (The Rana Daggubati Show) ఆడియన్స్ను ఎంటర్టైన్ చేయడానికి సిద్ధమైంది.
తాజాగా ఇవాళ నవంబర్ 15న ది రానా దగ్గుబాటి షో ట్రైలర్ విడుదలైంది. ఎనిమిది ఎపిసోడ్ల ఈ సిరీస్ లో తెలుగు సినిమా ఇండస్ట్రీలోని ప్రముఖులు నాగ చైతన్య, ఎస్ఎస్ రాజమౌళి, దుల్కర్ సల్మాన్ లాంటి వాళ్లతో రానా దగ్గుబాటి ముచ్చటించనున్నాడు. ప్రముఖ ఓటీటీ ప్లాట్ ఫామ్ 'ప్రైమ్ వీడియోలో ఈ టాక్ షో రాబోతోంది.
Also Read : కంగువ ఫస్ట్ డే క‌లెక్ష‌న్స్
ఇపుడు తాజాగా రిలీజ్ చేసిన ట్రైలర్ లో డైరెక్టర్ రాజమౌళి, నాగచైతన్య, దుల్కర్ సల్మాన్, రిషభ్‌ శెట్టి, నాని, ప్రియాంక మోహన్‌, సిద్ధూ జొన్నలగడ్డ, తేజ సజ్జా, శ్రీలీలతో పాటు రానా సతీమణి మిహికా బజాజ్‌ కూడా ఈ కార్యక్రమంలో పాల్గొన్నారు. మొత్తంగా ఎనిమిది ఎపిసోడ్లు ఈ సిరీస్ లో ఉండనున్నాయి. కాగా ఈ షో విభిన్నమైన అంశాలతో, ఎవ్వరికీ తెలియని ఎన్నో వ్యక్తగతమైన విషయాలను పంచుకోబోతుందని మేకర్స్ చెబుతున్నారు.
"మీకు తెలిసిన స్టార్లు.. మీకు తెలియని స్టోరీలు.. ది రానా దగ్గుబాటి షో చూడటానికి సిద్ధంగా ఉండండి. నవంబర్ 23న ప్రీమియర్ కానుంది" అనే క్యాప్షన్ తో ప్రైమ్ వీడియో ట్విట్టర్ X లో వెల్లడించింది.
