హైదరాబాద్‌లో కుంగిన రోడ్డు

గ్రేటర్ హైదరాబాద్‌లో రోడ్లు బాలేక ప్రయాణికులు ఇబ్బందులు పడుతుంటే.. దీనికి తోడు ట్రాఫిక్ తిప్పలు పెరిపోతున్నాయి. హైదరాబాద్ లోని ఓ ప్రధాన రద్దీ ఏరియాలో శుక్రవారం రోడ్డు అకస్మాత్తుగా కుంగిపోయింది. మియాపూర్ దీప్తిశ్రీ నగర్‌లో డ్రైనేజీలోకి రోడ్డు కుంగిపోయింది. దీంతో నడి రోడ్డుపై పెద్ద గుంత ఏర్పడింది. అటుగా వెళ్లే ప్రయాణికులకు ఆ గుంత ఇబ్బందిగా మారింది.

స్థానికులు GHMC అధికారులకు సమాచారం ఇచ్చారు. కుంగిన రోడ్డు పక్కనే వాటర్ పైప్ లైన్, డ్రైనేజీ పైప్ లైన్ ఉండటంతో GHMC అధికారులు పరిశీలిస్తున్నారు. మరమ్మత్తులు చేయడానికి ఆర్ అండ్ బీ అధికారులు రంగంలోకి దిగారు.