మనోళ్ల ఖాతాల వివరాలిచ్చిన స్విట్జర్లాండ్
న్యూఢిల్లీ: తమ బ్యాంకుల్లో సొమ్ము దాచుకున్న మనోళ్ల వివరాలను స్విట్జర్లాండ్ పంపించింది. ఆటోమేటిక్ ఎక్స్చేంజ్ ఆఫ్ ఇన్ఫర్మేషన్(ఏఈఓఐ) ఒప్పందంలో భాగంగా స్విస్ సర్కారు ఈ లిస్ట్ను అందించింది. విదేశాల్లో దాచిన బ్లాక్మనీపై పోరాటంలో భాగంగా కేంద్రం చేపట్టిన చర్యల ఫలితంగానే ఈ వివరాలను అందుకున్నట్లు అధికార వర్గాలు తెలిపాయి. ఇందుకోసం స్విట్జర్లాండ్ ప్రభుత్వంతో ఇన్ఫర్మేషన్ ఎక్చేంజ్ఒప్పందం కుదుర్చుకుంది.
ప్రపంచ వ్యాప్తంగా మొత్తం 86 దేశాలతో స్విట్జర్లాండ్ ఈ ఒప్పందం చేసుకుంది. ఇందులో భాగంగా స్విస్ బ్యాంకుల్లో అకౌంట్లు మెయింటెయిన్ చేస్తున్న మనోళ్ల వివరాలతో గతేడాది ఫస్ట్ లిస్ట్ అందించింది. 2018 వరకు యాక్టివ్గా ఉన్న, క్లోజ్ చేసిన ఖాతాల వివరాలను ఈ లిస్ట్లో పంపించింది. అంతకుముందు కూడా ఇండియా రిక్వెస్ట్ మేరకు వివిధ ఆర్థిక నేరాలకు పాల్పడ్డ వంద మంది ఖాతాల వివరాలను అందజేసినట్లు స్విస్ అధికారులు తెలిపారు. ఇక, ఈ ఏడాది మొత్తం 75 దేశాలకు చెందిన 31 లక్షల వ్యక్తులు, సంస్థల ఖాతాల వివరాలను ఆయా దేశాలకు వెల్లడిస్తామని ఫెడరల్ ట్యాక్స్ అడ్మినిస్ట్రేషన్(ఎఫ్టీఏ) శుక్రవారం మీడియాకు ఓ ప్రకటన విడుదల చేసింది.
