ఇల్లు అందంగా కనిపించేందుకు వాల్పేపర్లు అంటిస్తాం. కానీ, ఆ వాల్పేపరే ఫోన్లకు, కంప్యూటర్లకు నెట్ను అందించే వైఫైగా మారిపోతే ఎలా ఉంటుంది? ఆ వాల్పేపరే ఇంట్లో పొల్యూషన్ను గుర్తిస్తే.. ఇంకా సూపర్ కదా. దానికి పవరే అవసరం లేకుంటే.. మరింత సూపర్ కదా! అలాంటి ఓ వైఫై వాల్పేపర్నే తయారు చేశారు అమెరికాలోని మసాచుసెట్స్ ఇనిస్టిట్యూట్ఆఫ్ టెక్నాలజీ (ఎంఐటీ)లోని మన ఇండియన్ రీసెర్చర్లు. దాని పేరు ‘ఆర్ఫోకస్’. మామూలుగా అయితే మనం వాడే వైఫైకి చాంతాడంత వైరింగ్ కావాలి. అది పనిచేయాలంటే పవర్ కనెక్షన్ ఇవ్వాలి. కానీ, ఆర్ఫోకస్కు అవేవీ అవసరం లేదు. మరి అదెలా పనిచేస్తుంది? అందుకు ఆర్ఫోకస్లో వేలాది చిన్నచిన్న వైర్లెస్ యాంటెన్నాలను ఏర్పాటు చేశారు. వాటిని కంట్రోల్ చేసేందుకు ఓ సాఫ్ట్వేర్ను ప్రోగ్రామ్ను రాశారు. ఆ సాఫ్ట్వేర్ ద్వారా యాంటెన్నాలు సిగ్నళ్లను తీసుకుని డివైస్లకు అందిస్తుంది. మామూలు వాటితో పోలిస్తే పది రెట్లు ఎక్కువ శక్తిమంతమైన సిగ్నళ్లను ఇది ఇస్తుంది. వివిధ పరికరాలకు సంబంధించిన వందలాది సెన్సర్లను ఇది కనెక్ట్ చేస్తుంది. వైరింగ్, పవర్ వంటివేవీ లేవు కాబట్టి, దీనికి అయ్యే ఖర్చు కూడా చాలా తక్కువేనట. ఎంఐటీ కంప్యూటర్ సైన్స్ అండ్ ఆర్టిఫిషియల్ ఇంటెలిజెన్స్ ల్యాబ్స్కు చెందిన హరి బాలకృష్ణన్, వెంకట్ అరుణ్ అనే పీహెచ్డీ స్టూడెంట్లు ఈ ఆర్ఫోకస్ను తయారు చేశారు. దీంతో ఇల్లు, ఆఫీసు ఎక్కడైనా ఎక్కువ సంఖ్యలో డివైస్లకు మెరుగైన వైఫై ఇవ్వొచ్చని వాళ్లు చెప్పారు. చిన్న నెట్వర్క్ డివైస్లకు నెట్ వస్తుందన్నారు. ప్రస్తుతం ఈ టెక్నాలజీ అభివృద్ధి దశలోనే ఉందని, పూర్తయితే వైఫై, 5జీ సిగ్నళ్లు మరింత మెరుగవుతాయని అన్నారు.
