మదనాపురం, వెలుగు: అక్రమంగా తరలిస్తున్న రేషన్ బియ్యాన్ని శుక్రవారం స్పెషల్ బ్రాంచ్ పోలీసులు పట్టుకున్నట్లు ఎస్ఐ మురళి తెలిపారు. పెబ్బేరు నుంచి రాయచూరుకు మినీ వ్యాన్ లో రేషన్ బియ్యం తరలిస్తుండగా దంతనూరు స్టేజి దగ్గర వాహనాన్ని తనిఖీ చేసి 30 క్వింటాళ్ల బియ్యాన్ని స్వాధీనం చేసుకున్నట్లు చెప్పారు.
వెహికల్ను పోలీస్ స్టేషన్ కు తరలించారు. ఎన్ఫోర్స్మెంట్ డీటీ వేణుగోపాల్, నందకిశోర్ రేషన్ బియ్యంగా నిర్ధారించారు. వెహికల్ ఓనర్ సాదిక్ పై కేసు నమోదు చేసి దర్యాప్తు చేస్తున్నట్లు ఎస్ఐ తెలిపారు. హెడ్ కానిస్టేబుల్ నసిరుద్దీన్, కానిస్టేబుల్ ఖాజా పాల్గొన్నారు.
