అమరావతి: ఆంధ్రప్రదేశ్లోని కృష్ణా జిల్లా గుడివాడ నియోజకవర్గ పరిధిలోని గుడ్లవల్లేరు ఇంజనీరింగ్ కాలేజీ గర్ల్స్ హాస్టల్ వాష్ రూమ్లో సెక్రెట్ సీసీ కెమెరా ఇష్యూ రాష్ట్రంలో తీవ్ర దుమారం రేపుతోంది. గర్ల్స్ హాస్టల్ వాష్ రూమ్లో రసహ్యంగా కెమెరా ఏర్పాటు చేసి పర్సనల్ వీడియోలు చిత్రీకరించారని ఆరోపిస్తూ విద్యార్థినులు పెద్ద ఎత్తున ఆందోళనకు దిగడం స్టేట్ పాలిటిక్స్ను షేక్ చేస్తోంది. గుడ్లవల్లేరు ఇంజనీరింగ్ కాలేజీ ఇష్యూ రాష్ట్రంలో సంచలనంగా మారడంతో ప్రభుత్వం అప్రమత్తమైంది. ఈ ఘటనపై తీవ్ర ఆగ్రహం వ్యక్తం చేసిన సీఎం చంద్రబాబు.. కాలేజీలో హిడెన్ సీక్రెట్ కెమెరా ఇష్యూపై వెంటనే విచారణకు ఆదేశించారు. మంత్రి కొల్లు రవీంద్ర, జిల్లా కలెక్టర్, ఎస్పీలను వెంటనే ఘటన స్థలానికి వెళ్లానని ఆదేశాలు జారీ చేశారు. సీఎం ఆర్డర్తో మంత్రి, కలెక్టర్, ఎస్పీ ఘటన స్థలానికి హుటాహుటిన బయలుదేరారు.
Also Read :- ఇంజినీరింగ్ లేడీస్ హాస్టల్ లో సీక్రెట్ కెమెరా
ఇదిలా ఉంటే, మరోవైపు గుడ్లవల్లేరు ఇంజనీరింగ్ కాలేజీ వద్ద తీవ్ర ఉద్రిక్తత నెలకొంది. గర్ల్స్ హాస్టల్ దగ్గర విద్యార్థి సంఘాలు పెద్ద ఎత్తున ఆందోళనకు దిగాయి. గర్ల్స్ వాష్ రూమ్లో సీక్రెట్ కెమెరాలు పెట్టినవారిపై కఠిన చర్యలు తీసుకోవాలని డిమాండ్ చేస్తూ నిరసనకు దిగారు. కొందరు విద్యార్థి సంఘ నేతలు హాస్టల్లోకి దూసుకెళ్లేందుకు ప్రయత్నించగా పోలీసులు అడ్డుకున్నారు. దీంతో పోలీసులు, విద్యార్థి సంఘ నేతలకు మధ్య తీవ్ర వాగ్వాదం చోటు చేసుకుంది. విద్యార్థి సంఘాలు, విద్యార్థుల ఆందోళనతో గుడ్లవల్లేరు ఇంజనీరింగ్ వద్ద హైటెన్షన్ నెలకొంది.
