మిర్యాలగూడ, వెలుగు : పట్టణంలోని హౌసింగ్ బోర్డులో క్లియో స్పోర్ట్స్అరేనాలో ఈ నెల 19న ప్రారంభమైన రాష్ర్టస్థాయి బ్యాడ్మింటన్ అండర్– 13 సబ్ జూనియర్ పోటీలు ఆదివారం ముగిశాయి. ఉమ్మడి నల్గొండ జిల్లా బ్యాడ్మింటన్ అసోసియేషన్ ఆధ్వర్యంలో స్పోర్ట్స్ అథారిటీ సహకారంతో ప్రారంభమైన ఈ పోటీల్లో రాష్ర్టంలోని పలు జిల్లాల నుంచి 198 మంది క్రీడాకారులు
హాజరయ్యారు. కాగా చివరి రోజు పోటీలు హోరాహోరీగా సాగాయి. బాయ్స్ సింగిల్స్ విభాగంలో సూర్యాపేటకు చెందిన నిషాంత్ భూక్యా మొదటి స్థానం సాధించగా, వనమాల శశాంక్ ద్వితీయ స్థానంలో నిలిచాడు.
ఇదే విభాగంలో సూర్యాపేట, హైదరాబాద్ఆటగాళ్లు అఖిలేశ్గౌడ్,కె. మణిత్మూడు, నాలుగు స్థానాల్లో నిలిచారు. బాలికల సింగిల్స్ విభాగంలో రంగారెడ్డి జిల్లాకు చెందిన చంద్రం హంసిని, ఆరాధ్యరెడ్డి మొదటి రెండు స్థానాల్లో నిలువగా, తాడూరి వైనవి, అవిని విక్రమ్ మూడు, నాలుగు స్థానాలు సాధించారు. బాయ్స్ డబుల్స్ విభాగంలో సూర్యాపేట ప్లేయర్భూక్యా నిషాంత్, అఖిలేశ్గౌడ్ జోడీ విజేతగా నిలిచింది. హైదరాబాద్కు చెందిన పి. క్రిషవ్, టి. అభిరాం జోడీ రన్నర్స్గా నిలిచారు. అక్షత్రెడ్డి, వజ్ర, చిన్మయ్, జి. అస్మిత్రెడ్డి మూడు, నాలుగు స్థానాలు సాధించారు. బాలికల డబుల్స్ విభాగంలో ఆరాధ్యరెడ్డి, అవని విన్నర్స్గా నిలువగా హంసిని, రిత్విక శ్రీ ద్వితీయ స్థానం సాధించారు.
బాలమన్విత రెడ్డి, తాడూరి వైనవి, శ్రీ ధన్య, శ్రీదీత్య మూడు, నాలుగు స్థానాల్లో నిలిచారు. విజేతలకు టీఎస్ఐఐసీ చైర్మన్గ్యాదరి బాలమల్లు, తెలంగాణ స్పోర్ట్స్అథారిటీ చైర్మన్ ఎ. వెంకటేశ్వర్రెడ్డి బహుమతులు అందజేశారు. ఈ సందర్భంగా వారు మాట్లాడుతూ.. స్టూడెంట్లు చదువుతో పాటు క్రీడల్లో రాణించాలని పిలుపునిచ్చారు. రాష్ర్టస్థాయి పోటీల నిర్వహణకు జిల్లా బ్యాడ్మింటన్ అసోసియేషన్ ట్రెజరర్ శ్రీధర్ ముందుకు వచ్చి ఆర్థిక సహకారం అందించటం అభినందనీయమన్నారు. తెలంగాణ స్పోర్ట్స్ అథారిటీ నుంచి క్రీడలకు అవసరమైన సహకారం అందిస్తామన్నారు. డీఎస్పీ వై. వెంకటేశ్వరరావు, మున్సిపల్ ఫ్లోర్ లీడర్ బత్తుల లక్ష్మారెడ్డి, సీఐలు సురేశ్, రాఘవేందర్, రంగా వర్ష, శ్రీరామ్, జిల్లా కోచ్ మారబోయిన రామకృష్ఱ, పీడీ వెంకటేశ్వర్లు
పాల్గొన్నారు.
