ముంబై: బాలీవుడ్ యాక్టర్ సైఫ్ అలీఖాన్పై దాడి కేసులో పోలీసులు దర్యాప్తు ముమ్మరం చేశారు. ఘటన సమయంలో ఇంట్లో ఉన్న సైఫ్ అలీఖాన్ పని మనిషి స్టేట్మెంట్ను పోలీసులు రికార్డ్ చేశారు. ఈ ఘటనకు సంబంధించి పని మనిషి కీలక విషయాలు వెల్లడించింది. నిందితుడు మొదట సైఫ్ చిన్న కుమారుడు జేహ్‌ నిద్రిస్తోన్న గదిలోకి వచ్చాడు. అప్పుడు తాను గదిలోనే ఉండగా.. నిందితుడు కోటి రూపాయలు ఇవ్వాలని డిమాండ్ చేశాడు. ఈ క్రమంలో నిందితుడికి నాకు మధ్య వాగ్వాదం జరిగింది.
అతడు నాపై దాడి చేసేందుకు రావడంతో గట్టి కేకలు వేశాను. వెంటనే తెరుకున్న సైఫ్ అలీఖాన్ కుమారుడి గదిలోకి వచ్చాడు. నిందితుడిని పట్టుకునేందుకు ఆయన ప్రయత్నించారు. ఈ క్రమంలో ఇద్దరి మధ్య పెనుగులాట జరగగా.. నిందితుడు కత్తితో సైఫ్ అలీఖాన్ను పొడిచి పారిపోయాడు. వెంటనే అప్రమత్తమైన కుటుంబ సభ్యులు సైఫ్ అలీఖాన్ను లీలావతి ఆసుపత్రికి తరలించారని పని మనిషి పోలీసులకు స్టేట్మెంట్ ఇచ్చారు. నాతో పాటు మరో ఇద్దరు పని మనుషులకు సైతం గాయాలు అయ్యాయని తెలిపారు.
ALSO READ | అలా చేస్తే క్రైమ్ రేట్ తగ్గుతుందనుకుంటా: డైరెక్టర్ సుకుమార్
ఇదిలా ఉండగా.. సైఫ్ అలీఖాన్పై దాడి చేసిన ప్రధాన నిందితుడిని పోలీసులు గుర్తించారు. సైఫ్ ఇంట్లో సీసీ కెమెరాల్లో నిందితుడి కదలికలు రికార్డ్ అయ్యాయి. దాడి చేసి పారిపోతున్న నిందితుడి సీసీ ఫుటేజీ దృశ్యాలను పోలీసులు విడుదల చేశారు. ఈ వీడియో ఆధారంగా ముంబైలోని ప్రభావతి ప్రాంతంలో నిందితుడిని గుర్తించారు. దేశవ్యాప్తంగా ఈ కేసు సంచలనం సృష్టించడంతో ప్రతిష్టాత్మకంగా తీసుకుని పోలీసులు విచారణ చేస్తున్నారు.
బాలీవుడ్ స్టార్ యాక్టర్ సైఫ్ అలీఖాన్పై దాడి జరిగిన విషయం తెలిసిందే. ముంబైలో సెలబ్రెటీలకు నిలయమైన బాంద్రాలో ఉన్న తన నివాసంలో సైఫ్ అలీఖాన్పై గుర్తు తెలియని నిందితుడు కత్తితో ఎటాక్ చేశాడు. బుధవారం (జవనరి 15) అర్థరాత్రి జరిగిన ఈ ఘటనలో సైఫ్ అలీఖాన్ తీవ్రంగా గాయపడ్డాడు. కుటుంబ సభ్యులు సైఫ్ను హుటాహుటిన ఆసుపత్రికి తరలించారు. సైఫ్ అలీఖాన్ ఆరు కత్తి పోట్లకు గురైనట్లు లీలావతి ఆసుపత్రి వైద్యులు వెల్లడించారు. బాలీవుడ్ స్టార్ యాక్టర్ సైఫ్ అలీఖాన్పై దాడి వార్తతో బాలీవుడ్ ఒక్కసారిగా షేక్ అయ్యింది.
