- స్టేజీ మీదకు రాకుండానే వెళ్లిపోయిన ఎమ్మెల్యే వనమా, కలెక్టర్
భద్రాద్రికొత్తగూడెం, వెలుగు: రాష్ట్ర ప్రభుత్వం ప్రతిష్టాత్మకంగా నిర్వహిస్తున్న రాష్ట్ర అవతరణ దశాబ్ది వేడుకలకు జానం రావడం లేదు. జిల్లా కేంద్రంలోని ప్రకాశం స్టేడియంలో మత్స్యశాఖ ఆధ్వర్యంలో గురువారం చేపట్టిన ఫిష్ ఫెస్టివల్కు పట్టుమని పది మంది కూడా రాలేదు. అక్కడ ఏర్పాటు చేసిన నాలుగైదు ఫిష్ ఫుడ్ స్టాల్స్ను ఎమ్మెల్యే వనమా వెంకటేశ్వరరావు, కలెక్టర్ అనుదీప్ప్రారంభించారు. అనంతరం వారు మాట్లాడుతూ జిల్లాలో ఈ ఒక్క ఏడాదిలోనే వందశాతం సబ్సిడీ కింద1.77 కోట్ల చేప పిల్లలను 743 చెరువుల్లో వేశామన్నారు.
ఫిష్ఫుడ్ ఫెస్టివల్లో ఉత్తమ వంటకాలను సెలెక్ట్చేసి నగదు అందిస్తామన్నారు. ఈ సందర్భంగా ఫిష్, రొయ్యలతో చేసిన బిర్యానీ, స్నాక్స్ను ఎమ్మెల్యే, కలెక్టర్, ప్రజాప్రతినిధులు రుచి చూశారు. ఎంతకూ ప్రజలు ఫిష్ఫెస్టివల్కు రాకపోవడంతో స్టేజీ కింద కూర్చున్న ఎమ్మెల్యే, జడ్పీ వైస్ చైర్మన్కంచర్ల చంద్రశేఖర్, గ్రంథాలయ సంస్థ చైర్మన్దిండిగాల రాజేందర్, చుంచుపల్లి ఎంపీపీ బదావత్ శాంతి కలెక్టర్తో కలిసి స్టాల్స్వద్దకు వెళ్లి స్టేజీ మీదకు రాకుండానే వెళ్లిపోయారు. స్టేజీ కళా ప్రదర్శనలకే పరిమితమైంది.
