- మాంద్యం రావొచ్చంటున్న ఎక్స్పర్టులు
న్యూఢిల్లీ: టారిఫ్ వార్ కారణంగా అమెరికా స్టాక్మార్కెట్లు కుదేలవుతున్నాయి. ముఖ్యంగా చైనా కూడా 34 శాతం టారిఫ్లు వేస్తామని హెచ్చరించడంతో ఇన్వెస్టర్ల సెంటిమెంట్దెబ్బతింది. గత రెండు రోజుల్లో యూఎస్ ఇన్వెస్టర్ల సంపద ఐదు ట్రిలియన్ డాలర్లు (దాదాపు రూ.415 లక్షల కోట్లు) తగ్గింది. ఈ పరిణామం ఆర్థిక నిపుణులను తీవ్ర ఆందోళనకు గురిచేస్తోంది. పెరుగుతున్న ద్రవ్యోల్బణం, వడ్డీ రేట్లు, ఆర్థిక అనిశ్చితి వల్ల రాబోయే రోజుల్లో మాంద్యం తప్పదని హెచ్చరిస్తున్నారు. కరోనా తరువాత ప్రధాన ఇండెక్స్లు ఇంతలా పడిపోవడం ఇదే మొదటిసారి.
శుక్రవారం ఎస్ అండ్పీ ఆరు శాతం, డోజోన్స్ ఇండస్ట్రియల్యావరేజ్ 5.5 శాతం నష్టపోయాయి. నాస్డాక్ కాంపోజిట్5.8 శాతం, రస్సెస్ 4.4 శాతం తగ్గింది. ఈవారంలో ఇప్పటి వరకు నాస్డాక్ 10 శాతం, ఎస్ అండ్పీ 9.1 శాతం, రస్సెల్ 9.7 శాతం పడిపోయాయి. ఎన్విడియా, టెస్లా వంటి పెద్ద కంపెనీల షేర్లు ఏడుశాతం వరకు తగ్గాయి. అమెరికాలో లిస్టయిన చైనా కంపెనీలు అలీబాబా, బైదు షేర్లూ భారీగా పడ్డాయి. జపాన్, యూరోపియన్ స్టాక్స్కూడా నేలచూపులు చూస్తున్నాయి.
చమురు ధరలు నాలుగేళ్ల కనిష్టానికి చేరాయి. ట్రెజరీల రాబడులు పెరిగాయి. ట్రంప్ అధికారంలోకి వచ్చినప్పటికీ యూఎస్ ఇన్వెస్టర్లు ఎనిమిది ట్రిలియన్ డాలర్లు నష్టపోయారు. ఈ నేపథ్యంలో ఇన్వెస్టర్లు అప్రమత్తంగా ఉండాలని మార్కెట్స్ట్రాటజిస్టులు సూచిస్తున్నారు.
