కిరణ్ అబ్బవరం హీరోగా వచ్చిన పీరియాడిక్ థ్రిల్లర్ ‘క’. సుజీత్, సందీప్ ఈ చిత్రంతో దర్శకులుగా పరిచయం అయ్యారు. ఇటీవల విడుదలైన ఈ చిత్రానికి లభిస్తున్న రెస్పాన్స్ గురించి దర్శకుడు సందీప్ మాట్లాడుతూ.. ‘ప్రేక్షకులు ఇచ్చిన ఈ విజయం ఎంతో సంతృప్తిని, సంతోషాన్ని ఇచ్చింది. మల్టీప్లెక్స్ ఆడియెన్స్‌‌‌‌కు ఎక్కువ రీచ్ అవుతుంది అనుకున్నాం. కానీ సీ సెంటర్ ప్రేక్షకులు ఎక్కువ ఆదరిస్తున్నారు’ అన్నాడు.
సుజీత్ మాట్లాడుతూ.. ‘ఒకప్పుడు ఉత్తరాల ద్వారా తప్ప మరొకరి జీవితాల్లో ఏం జరుగుతుందో తెలుసుకునే వీలు లేదు. అందుకే పీరియాడిక్ బ్యాక్‌‌డ్రాప్‌‌లో హీరోకు పోస్ట్ మ్యాన్ క్యారెక్టర్ డిజైన్ చేశాం. క్లైమాక్స్ నుంచి కథ సిద్ధం చేసుకుని వాటికి ఒక్కో పాయింట్ జస్టిఫికేషన్ ఇస్తూ స్క్రిప్ట్ చేశాం. కథ అనుకున్నప్పుడు జనం ఎలా రిసీవ్ చేసుకుంటారో అని భయపడ్డాం. కానీ క్లైమాక్స్‌‌కు స్టాండింగ్ ఒవేషన్ ఇవ్వడం ఆనందంగా ఉంది’ అని చెప్పాడు.
