మంచిర్యాల, వెలుగు: తెలంగాణ స్టేట్సబ్ జూనియర్అథ్లెటిక్స్చాంపియన్షిప్పోటీలు ఆదివారం మంచిర్యాలలో అట్టహాసంగా షురూ అయ్యాయి. డీసీసీ చైర్పర్సన్కొక్కిరాల సురేఖ చీఫ్ గెస్ట్గా హాజరై ప్రారంభించి మాట్లాడారు. రాష్ట్ర ప్రభుత్వం స్పోర్ట్స్కుప్రాధాన్యం ఇస్తోందన్నారు. క్రీడాకారులను జాతీయ, అంతర్జాతీయ స్థాయిలో తీర్చిదిద్దేందుకు యంగ్ఇండియా స్పోర్ట్స్యూనివర్సిటీని ఏర్పాటు చేసిందన్నారు. జిల్లాలోని క్రీడాకారులను ప్రోత్సహించేందుకు సాయికుంటలో రూ.19 కోట్లతో 11 ఎకరాల్లో ఇండోర్, అవుట్ డోర్స్టేడియం మంజూరు చేసిందని తెలిపారు.
విద్యార్థులు చదువుతో పాటు క్రీడల్లో రాణించి జిల్లాకు మంచి పేరు తీసుకురావాలని ఆకాంక్షించారు. మంచిర్యాల జిల్లా అథ్లెటిక్స్అసోసియేషన్ఆధ్వర్యంలో ఉషోదయ హైస్కూల్లో వివిధ జిల్లాల నుంచి 800 మందికిపైగా విద్యార్థులు తరలివచ్చి పోటీల్లో పాల్గొన్నారు. ఆయా విభాగాల్లో చిన్నారులు సత్తా చాటారు. తెలంగాణ అథ్లెటిక్స్అసోసియేషన్ సెక్రటరీ కె.సారంగపాణి, జిల్లా ప్రెసిడెంట్ఎం.సాంబమూర్తి, చైర్మన్ కె.సంపత్రెడ్డి, సెక్రటరీ ఈ.మారయ్య పాల్గొన్నారు.
