న్యూయార్క్: అమెరికా అధ్యక్ష ఎన్నికల్లో ఓటింగ్కు ఓ ప్రత్యేకత ఉన్నది. ఇక్కడ ప్రజలు ఎవరికి ఎక్కువగా ఓటేస్తే వాళ్లే గెలవరు. 2016లో ట్రంప్ కంటే హిల్లరీ క్లింటన్కు ఎక్కువ ఓట్లు వచ్చినా.. చివరికి ట్రంపే అధ్యక్షుడయ్యారు. దీనికి కారణం ఎలక్టోరల్ కాలేజ్. ఇది యూఎస్కు ఉన్న ప్రత్యేక వ్యవస్థ. ఈ వ్యవస్థ ద్వారానే అధ్యక్షుడి ఎన్నిక జరుగుతుంది. ప్రజలు డైరెక్ట్గా ఓటు వేయడాన్ని ‘పాపులర్ ఓటింగ్’ అంటారు. ఈ పాపులర్ ఓటింగ్లో ఎక్కువ ఓట్లు వచ్చిన వారిని నేరుగా విజేతగా ప్రకటించరు. ఎలక్టోరల్ ఓట్స్ ఎక్కువ వచ్చినవాళ్లే ప్రెసిడెంట్ అవుతారు.
ఎలక్టోరల్ కాలేజ్ఎలా పనిచేస్తుంది?
ప్రెసిడెంట్ ఎన్నికల బరిలో ఉన్న పార్టీలు ఆయా రాష్ట్రాల్లో తమ ఎలక్టర్లను ముందే నిర్ణయిస్తాయి. ప్రజలు డైరెక్ట్ గా ప్రెసిడెంట్, వైస్ ప్రెసిడెంట్కు ఓట్లు వేయరు. ఎలక్టోరల్ కాలేజీ మెంబర్స్‌‌‌‌కు ఓట్లు వేస్తారు. వీరందరూ సమావేశమై ప్రెసిడెంట్, వైస్ ప్రెసిడెంట్కు ఓటేస్తారు. దేశంలో మొత్తం 538 ఎలక్టోరల్ కాలేజీ ఓట్లు ఉంటాయి. ప్రతి రాష్ట్రానికి జనాభా ఆధారంగా ఓటర్లను కేటాయించారు. ఉదాహరణకు అధిక జనాభా ఉన్న కాలిఫోర్నియాలో 55 ఎలక్టోరల్ ఓట్లు ఉండగా.. వ్యోమింగ్ లాంటి చిన్న రాష్ట్రానికి కేవలం 3 ఎలక్టోరల్ ఓట్లు మాత్రమే ఉన్నాయి. ఇందులో కనీసం 270 సాధించిన అభ్యర్థి ప్రెసిడెంట్ అవుతారు.
