నిజామాబాద్ రూరల్, వెలుగు : దేవుడి సన్నిధిలో శుభకార్యం జరుపుకుందామని సంతోషంగా బయలుదేరిన ఆ కుటుంబంలో విషాదం అలుముకుంది. బంధుమిత్రులతో కలిసి కందూరు చేసుకుందామని వెళ్తుండగా వ్యాన్బోల్తా పడి ఇద్దరు చనిపోయారు. మరో15మంది తీవ్రంగా గాయపడ్డారు. నిజామాబాద్రూరల్ఎస్హెచ్వో మహేశ్కథనం ప్రకారం..నిజామాబాద్జిల్లా కమ్మర్పల్లికి చెందిన రెంజర్ల స్వామి తన కొడుకుకు ధోతి కట్టే కార్యక్రమాన్ని వర్ని మండలం బడాపహాడ్దర్గా వద్ద నిర్వహించాలనుకున్నాడు.
దీనికోసం కందూరు ఏర్పాటు చేశాడు. కుటుంబసభ్యులు, సమీప బంధువులు సుమారు 35మంది గురువారం రాత్రి 9:30 ప్రాంతంలో వ్యానులో కమ్మర్ పల్లి నుంచి బయలుదేరారు. నిజామాబాద్ జిల్లా కొత్తపేట అటవీ ప్రాంతంలోని మల్కాపూర్సమీపంలో వ్యాను అదుపుతప్పి బోల్తా పడింది. ఈ ప్రమాదంలో రెంజర్ల వసంత(30), శ్యాంసుందర్అక్కడికక్కడే చనిపోగా, మరో 15 మంది తీవ్రంగా గాయపడ్డారు. గాయపడిన వారిని జిల్లాకేంద్రంలోని ప్రభుత్వ దవాఖానకు తరలించారు.
