- సిటీలోని మ్యాన్ హోల్స్ వద్ద గార్డులుగా నియామకం
- ఒక్కో డివిజన్కు ఐదు మందిని కేటాయించిన వాటర్బోర్డు
- వానల టైంలో వెంటనే స్పందించేలా ఏర్పాట్లు
- డీ– వాటరింగ్ మోటార్లతో కూడిన వాహనాలు అప్పగింత
హైదరాబాద్, వెలుగు : గ్రేటర్ సిటీని వరుసగా భారీ వర్షాలు ముంచెత్తుతున్న నేపథ్యంలో వాటర్బోర్డు అలర్ట్అయింది. ఎలాంటి ప్రాణనష్టం జరగకుండా చర్యలు తీసుకుంటోంది. వర్షం కురిసే టైంలో మ్యాన్హోళ్లు పొంగి కాలనీలు, ప్రధాన కూడళ్లు, రోడ్లు వరద నీటితో నిండిపోతున్నాయి. రాకపోకలకు తీవ్ర అంతరాయం ఏర్పడుతోంది. కొన్ని ప్రాంతాల్లో వాహనాలు కొట్టుకుపోతున్నాయి. ఈ క్రమంలో డ్రైనేజీలు, మ్యాన్హోళ్లు పొంగకుండా చేసేందుకు వాటర్బోర్డు ఎమర్జెన్సీ రెస్పాన్స్టీమ్స్ను సిద్ధం చేసింది. వీటితోపాటు మాన్సూన్సేఫ్టీ టీమ్స్, సేఫ్టీ ప్రొటోకాల్టీమ్స్అందుబాటులో ఉంటాయని వాటర్బోర్డు అధికారులు తెలిపారు.
ఇవన్నీ వర్షం కురిసే టైంలో రోడ్లపై ఉంటాయి. ఎక్కడైనా మ్యాన్హోళ్లు పొంగితే వెంటనే చర్యలు తీసుకుంటాయి. రోడ్లపై వరద, డ్రైనేజీ నీరు నిలవకుండా చేస్తాయి. వాటర్లాగింగ్ఏరియాల్లో డీ–వాటరింగ్ మోటార్లతో వరద నీటిని తోడేస్తాయి. అలాగే ఎయిర్టెక్ మెషీన్ల సాయంతో మ్యాన్హోళ్లకు అడ్డంపడిన వ్యర్థాలను తొలగిస్తాయి. ప్రస్తుతానికి 35 ఎమర్జెన్సీ రెస్పాన్స్టీమ్స్ ను సిద్ధం చేసినట్లు వాటర్బోర్డు అధికారులు తెలిపారు.
కొనసాగుతున్న క్లీనింగ్ ప్రక్రియ
గ్రేటర్ పరిధిలోని ప్రధాన కూడళ్లు, కాలసీల్లో లోతైన మ్యాన్ హోళ్లు ఉన్నాయి. ముఖ్యంగా ప్రధాన రోడ్లపై దాదాపు 20 అడుగుల లోతైన ట్రంక్ మెయిన్ లైన్లు ఉన్నాయి. మొత్తంగా 5 వేల వరకు ట్రంక్మెయిన్ లైన్లు ఉన్నట్టు అధికారులు చెబుతున్నారు. 25 వేల వరకు మ్యాన్హోళ్లు ఉన్నాయి. వీటిలో సగానికి పైగా మ్యాన్హోళ్లను క్లీన్ చేసినట్లు వాటర్బోర్డు అధికారులు తెలిపారు. 22 వేలకు పైగా మ్యాన్ హోళ్లకు సేఫ్టీ గ్రిల్స్ బిగించినట్టు చెప్పారు. మూతలు, గ్రిల్స్లేక గతంలో వర్షాల సమయంలో చాలా ప్రమాదాలు జరిగాయి.
మ్యాన్హోళ్లలో పడిపోయి కొట్టుకు పోవడం, గాయాల పాలైన కేసులు ఉన్నాయి. అలాంటి ఘటనలు పునరావృతం కాకుండా ఈసారి వాటర్బోర్డు చర్యలు తీసుకుంటోంది. వర్షాకాలం పూర్తయ్యే వరకు నగరంలోని ప్రధాన మ్యాన్హోళ్లను క్లీన్చేయడంతోపాటు, పూడిక తీసే పనులు కొనసాగుతాయని అధికారులు చెబుతున్నారు. మ్యాన్ హోళ్లను పర్యవేక్షించడానికి ప్రతి సెక్షన్కు ఒక ఎమెర్జెన్సీ బృందాన్ని నియమించి, వారికి అవసరమైన పనిముట్లు
డీ–వాటరింగ్ మోటార్లతో కూడిన వాహనాన్ని సమకూర్చినట్టు తెలిపారు. ఎక్కడైనా మ్యాన్ హోల్ మూతలు ధ్వంసమైనా, తెరిచి ఉంచినట్లు గమనించినా, ఓవర్ ఫ్లో అవుతున్నా లేదా ఇతర సమస్యలు, ఫిర్యాదులుంటే వెంటనే వాటర్బోర్డు కస్టమర్కేర్నంబర్155313కి ఫోన్ చేసి సమాచారం ఇవ్వాలని కోరుతున్నారు.
