- ప్రీ వెడ్డింగ్, పోస్ట్ వెడ్డింగ్కు బెస్ట్ షూటింగ్ స్పాట్
- హనీమూన్, ఫస్ట్ నైట్, లాస్ట్ నైట్ కాటేజీలు ఏర్పాటు కానున్న ఏకైక ప్రాంతమిది
- 25 ఏండ్ల ఆలోచన..12 ఏండ్ల ప్రణాళిక.. ఆరున్నరేండ్ల నిర్మాణం
- రూ.450 కోట్ల ఖర్చు..150 ఎకరాల్లో నిర్మాణం
- చెట్లు, శిల్పాలు, వృక్షాలే కాదు.. ఐలాండ్స్, పబ్స్ మరెన్నో..
చేవెళ్ల, వెలుగు: రంగారెడ్డి జిల్లా శంకర్ పల్లి మండలం పొద్దుటూరులో ఏర్పాటు చేసిన ఎక్స్ పీరియం ఎకో పార్కులో ఎన్నో వింతలు, విశేషాలు ఉన్నాయి. రూ. 450 కోట్లు 150 ఎకరాలు, 25 వేల జాతుల మొక్కలు, 85 దేశాల నుంచి దిగుమతి చేసుకున్న అరుదైన వృక్షాలు, చెట్లు, శిల్పాలు, మరెన్నో అద్భుతాలు ఇక్కడ కొలువుదీరాయి. వీటిని అర్జెంటీనా, ఉరుగ్వే, మెక్సికో, సౌత్ అమెరికా, స్పెయిన్, ఇటలీ, పప్వా మ్యాగినియా, ఆస్ట్రేలియా, థాయ్ లాండ్, ఇండోనేషియా, మలేషియాలతో పాటు మరెన్నో దేశాల నుంచి తీసుకువచ్చారు.
వరంగల్జిల్లాకు చెందిన రాందేవ్రావ్కు 25 ఏండ్ల క్రితం వచ్చిన ఆలోచన, 12 ఏండ్ల ప్రణాళిక, ఆరున్నరేండ్ల నిర్మాణం ఈ అద్భుతాన్ని ఆవిష్కృతం చేసింది. రూ.లక్ష నుంచి మొదలుకుంటే రూ.3.5 కోట్ల రూపాయల వరకు కాస్ట్ఉన్న అరుదైన, ప్రాచీన వృక్షాలు ఇక్కడ ఉన్నాయి. రూ.5 లక్షల నుంచి రూ. కోటి వరకు విలువైన శిల్పాలు, రూ.50వేల నుంచి రూ.50 లక్షల వరకు విలువైన సహజ శిలలు- ఏర్పాటు చేశారు. మొత్తం శిల్పాల విలువే రూ.15 కోట్ల వరకు ఉంటుంది. రూ. 50 కోట్ల ఖర్చుతో 150 ఎకరాలు వికసించేలా గ్లో గార్డెన్, చెట్లతో చేసిన సజీవ శిల్పాలు ఇక్కడ ప్రత్యేక ఆకర్షణ.
బెస్ట్ షూటింగ్ స్పాట్గా..
ఈ ఎకో పార్కులో 40 రూమ్ లు, 20 కాటేజీలతో ప్రకృతి సిద్ధంగా రూపొందించిన రీసార్ట్ ఐలాండ్,10 వేల మందికి సరిపోయే కన్వెన్షన్ సెంటర్ రానుంది, హనీమూన్ కాటేజీ, ఫస్ట్ నైట్ కాటేజ్, లాస్ట్ నైట్ కాటీజీ ఏర్పాటు కానున్న ఏకైక ప్రాంతమిది. ప్రీ వెడ్డింగ్, పోస్ట్ వెడ్డింగ్, ఫస్ట్ బంప్ షూట్ చేసుకోగల బెస్ట్ షూటింగ్ స్పాట్గా నిలిచిపోనున్నది.
దేశంలో ఫస్ట్
హైదరాబాద్లోనే ఫస్ట్ టైం మిచిలిన్ గ్రేడ్ చెఫ్ రెస్టారెంట్ ఇక్కడ ఏర్పాటు చేయనున్నారు. దేశంలోనే ఐదెకరాల్లో అతి పెద్ద పబ్, అత్యధిక అడ్వెంచర్ గేమ్స్ ఉన్న ప్రాంతంగా తీర్చిదిద్దుతున్నారు. ఇండియాస్ లార్జెస్ట్ హంఫీ థియేటర్ నిర్మిస్తున్నారు. దీన్ని 30 ఫీట్ల ఎత్తుతో 20 స్టెయిన్ లెస్ స్టీల్ శిల్పాలతో ఏర్పాటు చేస్తున్నారు. ఇందులో 1500 మంది కూర్చోవచ్చు. ఇండియాలో మొదటి డ్రైవింగ్ ఎల్ఈడీ థియేటర్, మొదటి అక్వేరియం రెస్టారెంట్, ఇండియాస్ బిగ్గెస్ట్ స్నోపార్క్, ఇండియాస్ లార్జెస్ట్ బాక్స్ క్రికెట్, ఇండియాలో ఫస్ట్ మ్యాన్ మేడ్ బీచ్ ఏర్పాటు చేయనున్నారు.
ప్రపంచంలోనే ఫస్ట్..
ప్రపంచంలోనే మొదటిసారిగా 12 ఎకరాల్లో రూ. 50 కోట్లతో మ్యాన్ మేడ్ ట్రీ కాఫీ షాప్, వరల్డ్ ఫస్ట్ నేచురల్ స్టోన్ బార్ కౌంటర్, ఫస్ట్ ఆర్టిఫిషియల్ మౌంట్స్ ల్యాండ్ స్కేపింగ్ తో పాటు 600 సెల్ఫీ ప్రాంతాలున్న ఏకైక ప్రదేశంగా తీర్చిదిద్దనున్నారు.
