- డాక్టర్ల నిర్లక్ష్యంతోనే చనిపోయాడని బంధువుల ఆందోళన
మేడిపల్లి, వెలుగు: మేడిపల్లి పీఎస్పరిధిలోని ఓ ప్రైవేట్హాస్పిటల్లో చికిత్స పొందుతున్న యువకుడు చనిపోగా, డాక్టర్ల నిర్లక్ష్యం వల్లే మరణించాడని బంధువులు దవాఖాన ఎదుట ఆందోళనకు దిగారు. మహబూబాబాద్ కి చెందిన పంజాల అజయ్ (32) పీర్జాదిగూడ ముత్యవల్లిగూడలోని చెల్లెలి ఇంటికి వచ్చాడు.
ఈ నెల15న బాత్రూంలో పడిపోవడంతో పీర్జాదిగూడలో జేపీ హాస్పిటల్ లో చేర్చారు. న్యూరో సమస్య ఉందని, ఆపరేషన్ చేసిన డాక్టర్లు ట్రీట్మెంట్చేస్తున్నారు. ఈ క్రమంలో బుధవారం ఉదయం అజయ్ చనిపోయాడని చెప్పారు. దీంతో డాక్టర్ల నిర్లక్ష్యవ వల్లే చనిపోయాడని హాస్పిటల్ వద్ద బంధువులు ఆందోళనకు దిగారు. ఇప్పటికే రూ.3 లక్షలు కట్టామని, వేరే హాస్పిటల్ కు తీసుకువెళ్తామని చెప్పినా పంపించలేదని ఆరోపించారు. డీఎంహెచ్వోకు ఫోన్చేస్తే స్పందించడం లేదన్నారు.
