ఘట్ కేసర్, వెలుగు: ఓ యువతి స్నానం చేస్తుండగా రహస్యంగా వీడియో తీసి బెదిరింపులకు పాల్పడిన గుర్తు తెలియని వ్యక్తిపై కేసు నమోదైంది. పోచారం ఐటీసీ పోలీసులు, బాధితురాలు తెలిపిన ప్రకారం.. ఐటీ కారిడార్ పీఎస్ పరిధిలో నివసించే ఓ యువతి కొద్దిరోజుల కిందట స్నానం చేస్తుండగా గుర్తు తెలియని వ్యక్తి రహస్యంగా వీడియో తీశాడు.
ఆ వీడియోను ఆమెకు పంపించాడు. ఆపై.. నగ్నంగా ఉండి వాట్సాప్ వీడియో కాల్ చేసి మాట్లాడాలని, లేదంటే వీడియోను సోషల్ మీడియాలో అప్ లోడ్ చేస్తానని బెదిరిస్తుండగా.. ఆందోళన చెందిన యువతి అతని ఫోన్ నంబర్ బ్లాక్ చేసింది. అయినా వాట్సాప్ కాల్ చేసి వేధిస్తుండగా భరించలేక మంగళవారం పోలీసులకు కంప్లయింట్ చేసింది. నిందితుడిపై కేసు నమోదు చేసి పోలీసులు గాలింపు చేపట్టారు.
