ఘట్కేసర్, వెలుగు: పోచారం మున్సిపాలిటీ పరిధి అన్నోజిగూడలోని ఓ మొబైల్ షాపులో చోరీ జరిగింది. మంగళవారం తెల్లవారుజామున ఎస్ఎల్ఎన్ మొబైల్ షాపు తెరిచి ఉండడంతో షాపు నిర్వాహకులు పోలీసులకు సమాచారం ఇచ్చారు. దీంతో క్రైమ్ డీసీపీ అరవిందబాబు సిబ్బందితో కలిసి ఘటనాస్థలాన్ని పరిశీలించారు. మొత్తం 67 స్మార్ట్ఫోన్లు, ఎల్ఈడీ టీవీలు, బ్రాండెడ్ యాక్సెసరీస్ చోరీకి గురైనట్లు గుర్తించారు. షాపులో రక్తపు మరకలు ఉండడంతో చోరీ చేసిన దొంగల్లో ఒకరికి గాయాలైనట్లు తెలుస్తున్నది.
