మెదక్ (చేగుంట), వెలుగు: మండల కేంద్రమైన చేగుంటలో భారీ చోరి జరిగింది. రాము అనే వ్యక్తి ఇటీవల తన వ్యవసాయ భూమి అమ్మగా వచ్చిన రూ.11 లక్షలను ఇంట్లో బీరువాలో పెట్టి సోమవారం రాత్రి స్థానిక సీఎంఆర్ కాలనీలో కొత్తగా నిర్మిస్తున్న ఇంటి వద్ద సిమెంట్బస్తాలకు కాపలాగా పడుకొన్నాడు. మక్కరాజ్ పేటలో బంధువుల ఇంట్లో శుభకార్యానికి వెళ్లిన భార్య వజ్రమణి మంగళవారం ఉదయం 6 గంటలకు ఇంటికి రాగా తాళాలు పగలగొట్టి ఉన్నాయి. ఇంట్లోకి వెళ్లి చూడగా బీరువాలో దాచి పెట్టిన రూ. 11 లక్షలు మాయమైనట్టు గ్రహించి భర్త రాముకి ఫోన్ చేసి చెప్పింది. బాధితులు పోలీసులకు ఫిర్యాదు చేయగాడీఎస్పీ వెంకట్రెడ్డి, సీఐ వెంకటేశ్, చేగుంట ఎస్ఐ బాల్రాజ్ వచ్చి సంఘటనా స్థలాన్ని పరిశీలించారు. క్లూస్ టీం ఆధారాలు సేకరించింది. కేసు నమోదు చేసుకొని దర్యాప్తు చేస్తున్నట్టు పోలీసులు తెలిపారు.
