- మెట్టు దిగని చైర్మన్ మహేందర్ రెడ్డి
- 14 రోజుల నుంచి క్యాంప్లోనే డైరెక్టర్లు
- మరో నాలుగు రోజుల వరకు అక్కడే
- ఎత్తుకు పైఎత్తులు వేస్తున్న ఇరువర్గాలు
- బలం లేకున్నా పట్టువదలని 'గొంగిడి'
నల్గొండ, వెలుగు : డీసీసీబీ చైర్మన్పదవిపై ఎడతెగని ఉత్కంఠ నెలకొంది. చైర్మన్గొంగిడి మహేందర్రెడ్డి మీద అవిశ్వాస తీర్మానం పెట్టిన డైరెక్టర్లు క్యాంపునకు వెళ్లి 14 రోజులు దాటింది. ఈనెల 28న అవిశ్వాస తీర్మానంపై మీటింగ్జరగనుంది. ఈ లెక్కన ఇంకో నాలుగు రోజులపాటు డైరెక్టర్లు క్యాంపులోనే ఉండక తప్పేలా లేదు. 14 రోజుల నుంచి చైర్మన్పదవి కాపాడుకునేందుకు మహేందర్రెడ్డి తన వంతు ప్రయత్నాలు చేస్తున్నారు. మొత్తం 19 మంది డైరెక్టర్లలో 15 మంది కుంభం శ్రీనివాస్ రెడ్డికి మద్దతుగా నిలిచారు. మహేందర్ రెడ్డికి ముగ్గురు డైరెక్టర్లు మాత్రమే అండగా నిలబడ్డారు.
అవిశ్వాస తీర్మానం నెగ్గే బలం చైర్మన్కు లేనప్పటికీ మెట్టుదిగడం లేదు. చివరి నిమిషంలో ఇద్దరు, ముగ్గురు డైరెక్టర్లు తనకే మద్దతు ఇస్తారనే ధీమాతో ఆయన ఉన్నారు. మహేందర్రెడ్డి స్వగ్రామం వంగపల్లి నుంచి డీసీసీబీ డైరెక్టర్గా ఉన్న ఆయన అనుచరుడు రాంచందర్సైతం శ్రీనివాస్ రెడ్డి వర్గంలో చేరడంతో షాక్కు గురయ్యారు. అసలు మహేందర్రెడ్డిని ఏకంగా డైరెక్టర్పదవి నుంచే దింపేందుకే వంగపల్లి సొసైటీ డైరెక్టర్లను ప్రత్యర్థి శిబిరం టచ్లోకి తీసుకుంది.
దీంతో అప్రమత్తమైన మహేందర్రెడ్డి తన డైరెక్టర్లను క్యాంపునకు తరలించి ఏదో విధంగా కాపాడుకోగలిగారు. మరో డైరెక్టర్పల్లా ప్రవీణ్రెడ్డిని సైతం దేవరకొండ సొసైటీ చైర్మన్ పదవి నుంచి దింపేందుకు పెట్టిన అవిశ్వాస తీర్మానం వీగిపోవడంతో అక్కడ కూడా ప్రత్యర్థి వర్గం ప్లాన్వర్కవుట్కాలేదు. ఇక ఇంకో డైరెక్టర్రాంచందర్క్యాంపునకు వెళ్లగానే ప్లేట్ఫిరాయించారు. దీంతో యాదగిరిగుట్ట కాంగ్రెస్ నాయకులు క్యాంపునకు వెళ్లి రాంచందర్కు సర్ధిచెప్పాల్సి వచ్చింది. మెజార్టీ డైరెక్టర్లు శ్రీనివాస్ రెడ్డి వైపే ఉన్నప్పటికీ ఎప్పుడు ఎటువైపు నుంచి ప్రమాదం ముంచుకొస్తుందోనని టెన్షన్పడుతున్నారు.
ఎత్తుకు పైఎత్తులు..
అవిశ్వాసం నెగ్గే బలం చైర్మన్కు లేకున్నా.. మెజార్టీ సభ్యులు తనవైపే ఉన్నారని శ్రీనివాస్ రెడ్డి ఎవరికి వారే ఎత్తుకు పైఎత్తులు వేస్తున్నారు. క్యాంపులో ఉన్న డైరెక్టర్ల కుటుంబ సభ్యులతో మహేందర్రెడ్డి టీమ్ సంప్రదింపులు జరుపుతున్నట్టు తెలిసింది. దీనికి కౌంటర్గా శ్రీనివాస్రెడ్డి వర్గం చైర్మన్వైపు ఉన్న డైరెక్టర్లతో చర్చలు జరుపుతున్నారు. చైర్మన్పీఠం సొంతమైతే టెస్కాబ్చైర్మన్పదవి కూడా నల్గొండకే వస్తదని, దాని వల్ల జిల్లాకు మరింత ప్రయోజనం చేకూరుతుందని శ్రీనివాస్ రెడ్డి వర్గం డైరెక్టర్లకు నచ్చచెప్తోంది.
నాలుగేళ్లలో శ్రీనివాస్రెడ్డితో సహా ప్రతి డైరెక్టర్తనతో సన్నిహితంగా ఉన్నారని, బ్యాంకు ప్రయోజనాల దృష్ట్యా కొన్ని కీలకమైన విషయాల్లో మాత్రమే ఏకపక్షంగా వ్యవహరించానే తప్ప.. డైరెక్టర్లకు ఎలాంటి అన్యాయం చేయలేదని మహేందర్రెడ్డి చెబుతున్నారు. రోజులు దగ్గర పడ్తున్న కొద్దీ డీసీసీబీ వ్యవహారం ఎటువైపు దారితీస్తోందని సొసైటీ పాలకవర్గాలు ఆసక్తిగా ఎదురుచూస్తున్నాయి.
