ఎన్టీఆర్, హృతిక్ రోషన్ కలిసి నటిస్తున్న హిందీ చిత్రం ‘వార్ 2’. అయాన్ ముఖ‌‌‌‌ర్జీ దర్శకత్వం వహిస్తున్నాడు. యశ్ రాజ్ ఫిల్మ్స్ బ్యానర్‌‌‌‌‌‌‌‌పై ఆదిత్య చోప్రా నిర్మిస్తున్నారు. ‘వార్’కి సీక్వెల్‌‌‌‌గా రాబోతున్న ఈ చిత్రం ఆగస్టు 14న ప్రేక్షకుల ముందుకు రానుందని ఇప్పటికే ప్రకటించారు.
అయితే రీసెంట్‌‌‌‌గా షూట్‌‌‌‌లో హృతిక్ రోషన్ మోకాలికి గాయం కావడంతో ఈ సినిమా పోస్ట్ పోన్ అవుతుందనే న్యూస్ సోషల్ మీడియాలో వైరల్ అయ్యిది. దీనిపై యష్ రాజ్ సంస్థ క్లారిటీ ఇచ్చింది. ‘వార్2’ రిలీజ్ డేట్‌‌‌‌లో ఎలాంటి మార్పు లేదని, అనుకున్న టైమ్‌‌‌‌కు కచ్చితంగా ఆడియెన్స్ ముందుకు రాబోతోందని క్లారిటీ ఇచ్చారు. ఈ సందర్భంగా ఓ వీడియోను పోస్ట్ చేశారు.
‘వరల్డ్వైడ్గా బీభత్సం సృష్టించేందుకు మేం ఆగస్టు 14న వస్తున్నాం’ అంటూ పోస్ట్ చేయడంతో ఈ సినిమాపై మరిన్ని అంచనాలు ఏర్పడ్డాయి. ప్రస్తుతం ఈ సినిమా షూటింగ్ చివరి దశకు చేరుకుంది. కియారా అద్వానీ హీరోయిన్‌‌‌‌గా నటిస్తోంది.
