- ఉన్నతాధికారుల ఆదేశాలతో రిపోర్ట్ పంపిన అధికారులు
- ఉమ్మడి జిల్లాలో ఆరు పంచాయతీల్లో స్కూల్స్ఓపెనయ్యే ఛాన్స్
- ప్రతీ పంచాయతీలో బడి ఉండాలని ఇటీవల సీఎం రేవంత్రెడ్డి ఆదేశం
నిజామాబాద్/ కామారెడ్డి, వెలుగు: ఉమ్మడి నిజామాబాద్ జిల్లాలో 24 గ్రామ పంచాయతీల్లో ప్రభుత్వ బడులు లేవు. ఆరు పంచాయతీల్లో స్కూల్స్ఓపెన్ చేయొచ్చని ఉమ్మడి జిల్లా విద్యాశాఖ అధికారులు ప్రభుత్వానికి నివేదించారు. ప్రభుత్వం నిర్ణయం తీసుకుంటే అకాడమిక్ఇయర్లో ఈ స్కూల్స్ స్టార్ట్అయ్యే ఛాన్స్ ఉంది. గత నెల 30న సీఎం రేవంత్రెడ్డి విద్యాశాఖపై రివ్యూ నిర్వహించారు. స్కూళ్ల స్థితిగతులు, టీచర్పోస్టుల ఖాళీలపై చర్చించారు.
చిన్న ఊరైనా, మారుముల తండా అయినా తప్పనిసరిగా స్కూల్ఉండాల్సిందేనని ఉన్నతాధికారులకు ఆదేశించారు. సీఎం ఆదేశాలతో ఆయా జిల్లాలో గవర్నమెంట్ స్కూళ్లు లేని పంచాయతీలను ఆరా తీశారు. ఉన్నతాధికారులు ఇచ్చిన ఫార్మెట్లో వివరాలు సేకరించారు. ఉమ్మడి జిల్లాలో ప్రస్తుతం1056 గ్రామ పంచాయతీలుండగా, 2,207 గవర్నమెంట్స్కూళ్లు ఉన్నాయి. కొన్ని పంచాయతీల్లో జీరో ఎన్రోల్మెంట్ కారణంగా అక్కడి టీచర్లను వేరే స్కూళ్లకు డిప్యూటేషన్పై పంపారు.
కామారెడ్డిలో జిల్లాలో 38 జీరో ఎన్రోల్మెంట్ స్కూల్స్ ఉన్నాయి. అసలు స్కూల్స్లేని పంచాయతీలు ఉమ్మడి జిల్లాలో 24 ఉండగా అందులో నిజామాబాద్లో14, కామారెడ్డిలో 10 ఉన్నాయి. కామారెడ్డి జిల్లాలోని బాన్సువాడ మండలం కొల్లూర్, జుక్కల్మండలం మథుర తండా, కామారెడ్డి మండలం కొటాల్పల్లి, మాచారెడ్డి మండలం వెనుకతండా, నెమ్లిగుట్ట తండా, సర్దాపూర్ తండా, మర్రితండా, పిట్లం మండలం జగన్నాథ్ తండా, సదాశివ్నగర్మండలం దగ్గి, ఎల్లారెడ్డి మండలం దేవల్ మల్కాపల్లెలో స్కూల్స్లేవు.
ఆరు స్కూల్స్ తెరిచే ఛాన్స్
ఉమ్మడి జిల్లాలో ఆరు పంచాయతీల్లో స్కూల్స్ అవసరమని విద్యాశాఖ ఆఫీసర్లు చెబుతున్నారు. స్కూల్స్లేని పంచాయతీలకు సమీపంలో అర కిలో మీటర్పరిధిలో మరో పంచాయతీలో స్కూల్ ఉండడం, కొన్ని పంచాయతీల్లో తక్కువ మంది పిల్లలు ఉన్నట్లు గుర్తించారు. కిలో మీటర్ కంటే ఎక్కువ దూరంలో స్కూల్స్ఉన్న పంచాయతీల్లో కామారెడ్డి జిల్లాలోని జుక్కల్ మండలం మథురతండా, సదాశివ్నగర్మండలం దగ్గి, ఎల్లారెడ్డి మండలం దేవల్ మల్కాపల్లెలో అవసరమని రిపోర్ట్ ఇచ్చారు.
నిజామాబాద్ జిల్లా డిచ్పల్లి మండలం బీబీపూర్ తండా, వర్ని మండలం నెహ్రూనగర్, ముప్కాల్ మండలం సింగంపల్లిలో స్కూల్ అవసరమని నివేదించారు. జీరో ఎన్రోల్మెంట్ ఉన్న స్కూళ్లలోనూ స్టూడెంట్స్చేరతే వీటిని వచ్చే అకాడమిక్ఇయర్ఓపెన్చేయొచ్చని చెబుతున్నారు. ఒకవేళ ప్రభుత్వం అనుకుంటే 24 పంచాయతీల్లోనూ స్కూళ్లుఏర్పాటు చేసే అవకాశం ఉంది.
నివేదికలు పంపించాం
ఉన్నతాధికారుల ఆదేశాల మేరకు వాళ్లు అడిగిన ఫార్మెట్లో ఇన్ఫర్మేషన్ పంపిచాం. జిల్లాలో 10 పంచాయతీల్లో అసలు స్కూల్స్లేవు. మూడు పంచాయతీలకు కిలోమీటర్పైగా దూరంలో ఉన్నాయి. ప్రభుత్వం ఆదేశిస్తే వచ్చే విద్యా సంవత్సరం ప్రారంభమయ్యే అవకాశముంది.
– రాజు, డీఈవో, కామారెడ్డి
