యాదాద్రి భువనగిరి జిల్లా బీబీనగర్ శివారులోని హిందుస్థాన్ సానిటరీ వేర్ గోడౌన్లో అగ్ని ప్రమాదం జరిగింది. హిందుస్థాన్ సానిటరీ వేర్ కంపెనీ పక్కనున్న పంట పొలాలలో గడ్డి తగలబెడుతుండగా నిప్పురవ్వలు ఎగిరిపడి గోడౌన్స్లోని కాటన్ బాక్స్లకు అంటుకోవడంతో మంటలు చెలరేగాయి. తీవ్ర భయాందోళనకు గురి కార్మికులు బయటకు పరగులు చేశారు.
గోడౌన్ సిబ్బంది, స్థానికుల ద్వారా సమాచారం అందుకున్న పోలీసులు, అగ్ని మాపక సిబ్బంది హుటాహుటిన ఘటన స్థలానికి చేరుకున్నారు. గోడౌన్లో ఎగిసిపడుతోన్న మంటలను ఫైరింజన్ల సహయంతో అదుపు చేశారు. అగ్ని ప్రమాదం వల్ల హిందుస్థాన్ సానిటరీ వేర్ కంపెనీకి ఎంత మేర నష్టం జరిగిందనేది ప్రస్తుతానికి తెలియదు. కాగా, ఈ ఘటనకు సంబంధించిన పూర్తి వివరాలు తెలియాల్సి ఉంది.
