చింతపండు ప్యాక్ ముఖానికి వేసుకుంటే మొటిమలు, మచ్చలు, పిగ్మెంటేషన్‌ సమస్యలకు దూరంగా ఉండొచ్చు తెలుసా!
- ముప్పై గ్రాముల చింతపండుని ఒక కప్పు నీళ్లలో వేసి మెత్తగా అయ్యేవరకు ఉడికించాలి. చల్లారాక గుజ్జు తీయాలి. అందులో అర టీ స్పూన్ పసుపు కలిపి ముఖానికి ప్యాక్లా వేయాలి. ఇరవై నిమిషాల తరువాత శుభ్రం చేసుకోవాలి . ఇలా వారానికొకసారి చేస్తే పసుపు, చింతపండులో ఉండే యాంటీఆక్సిడెంట్ ప్రాపర్టీలు ముఖం మీద ఉండే మొటిమలు, నల్లటి మచ్చల్ని పోగొడతాయి.
- ఒక టీ స్పూన్ చింతపండు గుజ్జులో ఒక టీ స్పూన్ తేనె, రెండు టీ స్పూన్ల శనగపిండి వేసి బాగా కలపాలి. ఆ మిశ్రమాన్ని ముఖం, మెడ భాగాలకి పట్టించాలి. ఇరవై నిమిషాల తర్వాత చల్లటి నీళ్లతో శుభ్రం చేసుకుంటే చర్మం మెరుస్తుంది.
- ఒక టేబుల్ స్పూన్ చింతపండు గుజ్జులో ఒక టీ స్పూన్ చక్కెర, ఒక టీ స్పూన్ వెన్న లేదా పెరుగు వేసి బాగా కలిపి ముఖం, మెడ భాగాలకు పట్టించాలి. చేతివేళ్లను గుండ్రంగా తిప్పుతూ పదినిమిషాలు మసాజ్ చేయాలి. ఈ ప్యాక్ తరచూ వేసుకుంటే చింతపండు గుజ్జులోని ఆల్ఫా హైడ్రాక్సీ యాసిడ్ చర్మంపై మృతకణాలను తొలగిస్తుంది.
