స్మార్ట్ఫోన్ చేతిలో ఉంటే ఇంట్లోనే కరోనా టెస్ట్ రిపోర్ట్ తెలుసుకోవచ్చు. అలాగే ఐ ఫోన్ ఉంటే కనుక... ఎమర్జెన్సీ టైమ్లో ఇంట్లోవాళ్లకి ఇన్ఫర్మేషన్ వెళ్లిపోతుంది. ఫొటో రీసైజ్ చేసేందుకు గూగుల్ క్రోమ్ ఫొటో రీసైజింగ్ ఫీచర్ క్లిక్ చేస్తే చాలు. అంతేకాదు ఇన్స్టాగ్రామ్ తేనున్న క్రోనలాజికల్ ఫీడ్ ఫీచర్ కూడా యూజర్లకి బాగా నచ్చుతుంది. కొత్త ఏడాదిలో యూజర్ల కంఫర్ట్, సేఫ్టీ కోసం ఇలాంటి ఫీచర్లు చాలా రాబోతున్నాయి. అలాంటి కొత్త ఫీచర్లు కొన్ని...
ఐఫోన్లో ఎమర్జెన్సీ
యూజర్ల సేఫ్టీ కోసం రీసెంట్గా ‘ఎమర్జెన్సీ సాస్’ ఫీచర్ తీసుకొచ్చింది ఐఫోన్. యూజర్లు ప్రమాదంలో ఉన్నప్పుడు వాళ్ల ఎమర్జెన్సీ కాంటాక్ట్స్ లిస్ట్లో ఉన్నవాళ్లకి ఆటోమెటిక్గా కాల్ వెళ్తుంది. ఈ కొత్త ఫీచర్ ఐఫోన్ 8 తో పాటు కొత్తగా వచ్చిన వెర్షన్లలో పనిచేస్తుంది. ఎమర్జెన్సీ కాంటాక్ట్స్ని యాడ్ చేసేందుకు ఐ ఫోన్లో హెల్త్ యాప్ ఓపెన్ చేయాలి. ‘మెడికల్ ఐడీ’ మీద ట్యాప్ చేసి, ఎడిట్ ఆప్షన్ సెలక్ట్ చేసి ‘ఎమర్జెన్సీ కాంటాక్ట్స్’ లోకి వెళ్లాలి. కాంటాక్ట్స్ యాడ్ చేయాలి. ఏదైనా ప్రమాదంలో ఉన్నప్పుడు ఆటోమెటిక్గా ఎమర్జెన్సీ కాంటాక్ట్స్కి కాల్ వెళ్తుంది.
ఎలా పనిచేస్తుందంటే...
ఎమర్జెన్సీ టైమ్లో పవర్ బటన్తో పాటు వాల్యూమ్ బటన్స్ని కూడా గట్టిగా నొక్కి పట్టుకోవాలి. అప్పుడు స్క్రీన్ మీద ‘ఎమర్జెన్సీ సాస్’ కౌంట్డౌన్ ఆప్షన్ కనిపిస్తుంది. కౌంట్డౌన్ పూర్తయ్యేంత వరకు ఆ బటన్స్ని అలాగే పట్టుకోవాలి. కౌంట్డౌన్ అయిపోయిన తర్వాత ఎమర్జెన్సీ కాంటాక్ట్స్కి కాల్ వెళ్తుంది. కాల్ డిస్కనెక్ట్ అవ్వగానే మీరు ఉన్న లొకేషన్ టెక్ట్స్ మెసేజ్ వెళ్తుంది.
ఇన్స్టాగ్రామ్లో క్రోనలాజికల్ ఫీడ్
ఇన్స్టాగ్రామ్లో వీడియోలు, రీల్స్ చేస్తూ ఉంటారు చాలామంది. హోమ్లో యూజర్లు ఫాలో అయ్యేవాళ్ల కంటెంట్తో పాటు వేరేవాళ్ల వీడియోలు చాలా కనిపిస్తుంటాయి. యూజర్లు తమకి నచ్చిన, తాము చూడాలనుకునే కంటెంట్ ముందుగా కనిపించే ఫీచర్ తీసుకొస్తోంది ఇన్స్టాగ్రామ్. ఈ ఫీచర్ని ఇప్పటికే కొన్ని అకౌంట్స్లో టెస్ట్ చేసింది కూడా. రెండు మూడు వారాల్లో ఈ ఫీచర్ అందరికీ అందుబాటులోకి రానుంది. ఈ ఫీచర్ వస్తే, హోమ్, ఫాలోయింగ్, ఫేవరెట్... ఈ మూడింటికి సంబంధించిన కంటెంట్ ముందుగా చూడొచ్చు.
ఇంట్లోనే కొవిడ్ టెస్ట్
ఒమిక్రాన్ కేసులు రోజురోజుకు పెరుగుతున్నాయి. దాంతో జలుబు, దగ్గు ఉన్నా కూడా కరోనా సోకిందేమోనన్న అనుమానం వస్తుంది. ఇంట్లోనే కరోనా టెస్ట్ చేసుకొనేందుకు కొన్ని యాప్స్, టెస్ట్ కిట్స్ ఉన్నాయి. ఇండియన్ కౌన్సిల్ ఆఫ్ మెడికల్ రీసెర్చ్(ఐసిఎంఆర్) అనుమతి పొందిన హోమ్ టెస్ట్ కిట్స్, యాప్స్ సాయంతో కరోనా టెస్ట్ చేసుకుని, రిజల్ట్ తెలుసుకోవచ్చు. ఈ యాప్స్ని గూగుల్ ప్లే స్టోర్, యాపిల్ యాప్ స్టోర్ నుంచి డౌన్లోడ్ చేసుకోవచ్చు. హోమ్ టెస్టింగ్ మొబైల్ యాప్స్లో కరోనా టెస్ట్ ఎలా చేసుకోవాలనే సమాచారంతో పాటు కరోనా టెస్ట్ రిజల్ట్ కూడా తెలుసుకోవచ్చు. ఈ యాప్స్లో టెస్ట్ రిజల్ట్ని ఎలా అప్లోడ్ చేయాలంటే... మొబైల్ యాప్లో కరోనా టెస్ట్ చేయించుకున్న తర్వాత టెస్ట్ స్ట్రిప్ని ఫొటో తీయాలి. ఫొటోలు తీసేందుకు యాప్స్ని డౌన్లోడ్ చేసిన మొబైల్ ఫోన్నే వాడాలి. ఆ తర్వాత రిజల్ట్ వస్తుంది. ఈ యాప్స్ ఐసిఎంఆర్ కొవిడ్–19 టెస్టింగ్ పోర్టల్కి కనెక్ట్ అయి ఉంటాయి. అక్కడే యూజర్ల డేటా స్టోర్ అవుతుంది. యూజర్ల డేటా సేఫ్గా ఉంటుంది. యాప్లో రిజిస్టర్ అయ్యేటప్పుడు పేరు, పుట్టిన తేదీ, వయసు, అడ్రస్, మొబైల్ నెంబర్, వ్యాక్సిన్ తీసుకున్నారా? లేదా? ఆధార్ కార్డ్ నెంబర్ వంటి వివరాలు యాప్లో అప్లోడ్ చేయాలి. యాప్ని బట్టి వివరాలు మారతాయి.
హోమ్ టెస్టింగ్ కిట్స్లో కొన్ని...
‘మైల్యాబ్ డిస్కవరీ కొవిసెల్ఫ్’, పాన్ బయో కోవిడ్–19 యాంటీజెన్ ర్యాపిడ్ టెస్ట్ డివైజ్, కొవిఫైండ్ కొవిడ్–19 ర్యాపిడ్ ఎజె సెల్ఫ్ టెస్ట్, అంగ్కార్డ్ కొవిడ్–19 హోమ్ టెస్ట్ కిట్, క్లినిక్ టెస్ట్ కోవిడ్–19 యాంటీజెన్ సెల్ఫ్టెస్ట్, అల్ట్రా కొవి–క్యాచ్ సార్స్–కొవి–2 హోమ్ టెస్ట్, ఎబిచెక్ ర్యాపిడ్ యాంటీజెన్ సెల్ఫ్ టెస్ట్ (నాజల్).
గూగుల్ క్రోమ్లో ఫొటో రీసైజ్
యూనివర్సిటీ ఎంట్రన్స్ కోసం, జాబ్ కోసం అప్లై చేసేటప్పుడు పాస్పోర్ట్ సైజ్ఫొటోతో పాటు సిగ్నేచర్ని ఫలానా ఫార్మాట్లో, ఫలానా సైజులో అప్లోడ్ చేయాల్సి ఉంటుంది. అందుకోసం ఫొటో, సిగ్నేచర్ని రీ–సైజ్ చేయాల్సి వస్తుంది. గూగుల్ క్రోమ్ ఫొటో రీ–సైజ్ ఫీచర్ తీసుకొచ్చింది. అంతేకాదు ఇంటర్నెట్ లేకున్నా కూడా ఈ ఫీచర్ని వాడుకునే ఫెసిలిటీ కల్పిస్తోంది.
రీసైజ్ ఇలా చేయాలి
గూగుల క్రోమ్ బ్రౌజర్ ఓపెన్ చేసి, సెర్చింగ్లో క్రోమ్ వెబ్స్టోర్లోకి వెళ్లాలి. తర్వాత రీసైజింగ్ యాప్పై క్లిక్ చేయాలి. వెబ్పేజ్ ఓపెన్ అయిన తర్వాత ‘‘యాడ్ టు క్రోమ్” అనే పెద్ద బ్లూ ట్యాబ్ కనిపిస్తుంది. దాన్ని క్లిక్ చేస్తే ‘‘యాడ్ ఎక్స్టెన్షన్’ అని విండో అలర్ట్ వస్తుంది. దానిపై క్లిక్ చేస్తే వెబ్ బ్రౌజర్లో ఎక్స్టెన్షన్ ఇన్స్టాల్ అవుతుంది. కుడివైపు పైన కనిపించే జిగ్సా పజిల్ ఐకాన్ మీద క్లిక్ చేసి, ‘రీసైజింగ్ యాప్’ని సెలక్ట్ చేసుకోవాలి. తర్వాత రీసైజ్ చేయాల్సిన ఫొటోని అప్లోడ్ చేయాలి. రీసైజింగ్ ఆప్షన్స్ సాయంతో ఫొటోని అవసరమైన సైజ్కి మార్చి, ‘సేవ్ ఇమేజ్’ని సెలక్ట్ చేస్తే, ఫొటో డౌన్లోడ్ అవుతుంది. క్రోమ్ డౌన్లోడ్ ఫోల్డర్లో డీఫాల్ట్గా ఉంటుంది.
