సినీ స్టార్స్ లైఫ్ గురించి ప్రత్యేకంగా చెప్పాల్సిన పనిలేదు. లగ్జరీ లైఫ్, ఖరీదైన కార్లు, రిచెస్ట్ హౌస్ లు ఇలా అన్నీ టాప్ లోనే ఉంటాయి. వాళ్ళకి అదే రేంజ్ లో రెమ్యునరేషన్ కూడా ఉంటుంది మరి. ఒకరిని మించి ఒకరు వందల కోట్లల్లో రెమ్యునరేషన్ తీసుకుంటూ అందరికీ అవాక్కయ్యేలా చేస్తున్నారు. ఇందులో భాగంగా ప్రస్తుతం సౌత్ ఇండస్ట్రీలో ఉన్న రిచెస్ట్ హీరో అండ్, రిచెస్ట్ కపుల్ గురించి సోషల్ మీడియాలో వార్తలు వైరల్ అవుతున్నాయి.
ఇటీవల జరిగిన సర్వే ప్రకారం సౌత్ లో అత్యంత ధనికుడైన స్టార్ హీరోగా కింగ్ నాగార్జున ఉన్నారు. నాగార్జున కేవలం హీరోగానే కాకుండా.. నిర్మాతగా, అన్నపూర్ణ స్టూడియోస్, మిగతా వ్యాపారాల నుండి ఒక రేంజ్ లో సంపాదిస్తున్నారట. ప్రస్తుతం ఆయన ఆస్తుల విలువ రూ.3000 కోట్లకు పైగానే ఉంటుందని అంచనా.
ఇక సౌత్ లో అత్యంత దనుకులైన సెలబ్రెటీ జంటలో రామ్ చరణ్, ఉపాసన ఉన్నారు. గ్లోబల్ స్టార్ గా ఎదిగిన రామ్ చరణ్ ప్రస్తుతం ఒక్కో సినిమాకు రూ.150 కోట్ల వరకు రెమ్యునరేషన్ గా తీసుకుంటున్నారు. అంతేకాదు ఆయనకీ.. స్టార్ హోటల్ ఫ్రాంచైజ్, ఎయిర్ లైన్ సర్వీసెస్ కూడా ఉన్నాయి. ఇక ఆయన సతీమణి ఉపాసన విషయానికి వస్తే.. ప్రస్తుతం ఆమె అపోలో గ్రూప్ హాస్పిటల్స్ కి ఛైర్మెన్ గా ఉన్నారు. అంతేకాకుండా.. ఆమెకు చాలా వ్యాపారాల్లో కూడా షేర్స్ ఉన్నాయి. అలా ఉపాసన కూడా బాగానే సంపాదిస్తూన్నారు. ఈ ఇద్దరి ఆస్తులు కలిపి రూ.2500 కోట్ల వరకు ఉంటుందని అంచనా. అందులో రామ్ చరణ్ వి రూ.1370 కోట్ల వరకు ఉండగా.. ఉపాసనవి రూ.1130 కోట్ల వరకు ఉంటాయని అంచనా. ప్రస్తుతం ఈ న్యూస్ సోషల్ మీడియాలో వైరల్ గా మారింది.
