- టెక్రియాల్ డబుల్ బెడ్రూమ్ ఇండ్ల వద్ద కాంగ్రెస్ ఆందోళన
కామారెడ్డి, వెలుగు: కామారెడ్డి మున్సిపాలిటీ పరిధిలోని టెక్రియాల్ వద్ద కట్టిన డబుల్ బెడ్ రూమ్ఇండ్లలో 50 ఏండ్లు కాదు కదా, 50 రోజులు కూడా ఉండలేరని మాజీ మంత్రి, కాంగ్రెస్ నేత షబ్బీర్ అలీ విమర్శించారు. సవాలు విసిరిన ఎమ్మెల్యే నాణ్యత లేకపోవడం వల్లే ఇక్కడికి రాకుండా తప్పించుకున్నారని విమర్శించారు. సోమవారం టెక్రియాల్డబుల్బెడ్రూమ్ ఇండ్ల వద్ద కాంగ్రెస్ ఆధ్వర్యంలో ఆందోళన నిర్వహించారు. ఎమ్మెల్యే రావాలని సవాలు విసిరిన షబ్బీర్అలీ సోమవారం ఇక్కడికి వచ్చి, 2 గంటల పాటు ఉన్నారు. నాణ్యత లేని ఇండ్లను పరిశీలించారు. బెస్మిట్, గోడల పగుళ్లను చూపెట్టారు. అనంతరం రోడ్డుపై రాస్తారోకో చేశారు. ఇండ్లు కట్టిన కాంట్రాక్టర్ నుంచి పైసలు రికవరీ చేయాలని డిమాండ్ చేశారు. ఇండ్లను కూల్చి, వాటి స్థానంలో కొత్తవి నిర్మించాలని కోరారు. డీసీసీ ప్రెసిడెంట్కైలాస్ శ్రీనివాస్రావు, లీడర్లు ఇంద్రాకరణ్రెడ్డి, గూడెం శ్రీనివాస్రెడ్డి, చంద్రకాంత్రెడ్డి, అశోక్రెడ్డి పాల్గొన్నారు.
కామారెడ్డి టౌన్: రాష్ట్ర ప్రభుత్వం బీసీల జీవితాలతో ఆడుకుంటోందని మాజీ మంత్రి, కాంగ్రెస్ నేత షబ్బీర్అలీ విమర్శించారు. బీసీలకు రూ.లక్ష ఆర్థిక సాయం కోసం అప్లయ్ చేసుకోడానికి అవసరమైన సర్టిఫికెట్ల కోసం వచ్చిన ప్రజలతో కలిసి సోమవారం కామారెడ్డి తహసీల్ ఆఫీస్ ఎదుట ధర్నా నిర్వహించారు. కాళ్లచెప్పులు అరిగేలా తిరుగుతున్నా.. వేల మంది దరఖాస్తుదారులకు ఇప్పటికీ సర్టిఫికెట్లు ఇవ్వలేదని వాపోయారు. మండే ఎండల్లో ప్రజలు అవస్థలు పడుతున్నారన్నారు. ఆఫీసర్లు స్పందించి సకాలంలో పత్రాలు జారీచేయాలని కోరారు.
