హైదరాబాద్ శ్రీనగర్ కాలనీలో గుర్తు తెలియని వ్యక్తులు సినీ మేనేజర్ను కిడ్నాప్ చేయడానికి యత్నించారు. పోలీసుల వివరాల ప్రకారం.. సినిమా మేనేజర్ మేడికొండ హరీష్ శ్రీనగర్ కాలనీలో నివాసం ఉంటున్నాడు. కాగా ఇద్దరు గుర్తు తెలియని వ్యక్తులు ఆయన ఇంటికి వచ్చారు. వారిరువురు మారణాయుధాలు చూపిస్తూ హరీష్ని చంపేస్తామని బెదిరించారు. అనంతరం అతన్ని బలవంతంగా ఆటోలో కూర్చోబెట్టి ఎస్ఆర్నగర్ వైపు తీసుకెళ్లారు. ఈ క్రమంలో హరీష్ వారి నుంచి తప్పించుకోవడంతో.. దుండగులు ఇద్దరు అతని బంగారు అభరణాలు, సెల్ ఫోన్లతో పరారయ్యారు. బాధితుడి ఫిర్యాదు మేరకు కేసు నమోదు చేసి దర్యాప్తు చేస్తున్నట్లు పంజాగుట్ట పోలీసులు తెలిపారు.
