సికింద్రాబాద్, వెలుగు: సికింద్రాబాద్ బోయిన్పల్లిలో జరిగిన యువకుడి హత్య కేసును పోలీసులు ఛేదించారు. ఐదుగురు నిందితులను బోయిన్పల్లి పోలీసులు సోమవారం అరెస్టు చేసి రిమాండ్కు తరలించారు. నిందితుల నుంచి కత్తులు, సర్జికల్ బ్లేడులను స్వాధీనం చేసుకున్నారు. పోలీసుల వివరాల ప్రకారం.. ఓల్డ్బోయిన్పల్లిలోని హర్షవర్ధన్ కాలనీకి చెందిన మహ్మద్ సమీర్(21).. హస్మత్ పేటకు చెందిన సదాఫా ప్రేమించుకున్నారు. వీరి ప్రేమకు పెద్దలు అంగీకరించకపోవడంతో పారిపోయి జనవరి 10న పెండ్లి చేసుకున్నారు. దీంతో సంప్రదాయ ప్రకారం మళ్లీ పెండ్లి చేస్తామని నమ్మించి యువతిని ఆమె కుటుంబసభ్యులు ఇంటికి తీసుకెళ్లారు.
ఆ తర్వాత కాలనీలో తమ పరువు పోతుందని, విడాకులు ఇవ్వాలని కోరారు. అందుకు సమీర్అంగీకరించకపోవడంతో హత్య చేయాలని ప్లాన్ వేశారు. అందులో భాగంగానే యువతి తండ్రి మహ్మద్షబ్బీర్అహ్మద్(55), అన్నదమ్ములు మహ్మద్ ఓమర్(25), అబ్దుల్ మతీన్(25), రౌడీ షీటర్లు పహాడీ షరీఫ్కు చెందిన సయ్యద్ సోహైల్(25), బాలాపూర్కు చెందిన షేక్ అబ్దుల్ బాకర్సిద్దీఖీ(29), ఇబ్రహీమ్కలిసి రెండు వాహనాలపై సమీర్ఇంటికి ఆదివారం వచ్చారు. ఇంటి ముందు కూర్చున్న సమీర్పై కత్తులు, సర్జికల్ బ్లేడ్లతో విచక్షణా రహితంగా దాడి చేసి చంపేశారు. ఐదుగురు నిందితులను అరెస్టు చేసి రిమాండ్కు తరలించారు. ఇబ్రహీమ్ పరారీలో ఉన్నాడు.
