పిట్లం, వెలుగు: కామారెడ్డి జిల్లా బిచ్కుందలో ఏటీఎం మెషీన్ను దొంగలు ఎత్తుకెళ్లారు. సోమవారం రాత్రి బిచ్కుంద మెయిన్ రోడ్లో ఉన్న ఏటీఎంను ధ్వంసం చేసి ఎత్తుకెళ్లారు. ఆ సమయంలో అలారం మోగడంతో బ్యాంక్ మేనేజర్ పోలీసులకు సమాచారం అందించారు. పోలీసులు అక్కడికి చేరుకునే లోపే ఏటీఎం మెషీన్తో పరారయ్యారు. బాన్సువాడ డీఎస్పీ సత్యనారాయణ, సీఐ నరేశ్, ఎస్ఐ మోహన్రెడ్డి ఘటనా స్థలాన్ని పరిశీలించారు.
నలుగురు నిందితులు ఏటీఎం చోరీ చేసినట్లు సీసీ కెమెరాల్లో రికార్డయింది. ఏటీఎంలో రూ.3 లక్షలకు పైగా నగదు ఉన్నట్లు సమాచారం. జుక్కల్ మండలం మహారాష్ట్ర సరిహద్దులోని గుల్లా గ్రామం వద్ద ఓ వెహికల్ ను పోలీసులు గుర్తించారు. దొంగలు అక్కడ వాహనాన్ని మార్చి వేరే వెహికల్లో పరారైనట్లు అనుమానిస్తున్నారు.
