కామారెడ్డి టౌన్, వెలుగు : కామారెడ్డి జిల్లా కేంద్రంలోని సిగరెట్ల ఏజెన్సీలో రూ.10 లక్షల విలువైన సిగరెట్లను దొంగలు చోరీ చేశారు. గంజు మార్కెట్లోని శ్రీ రాఘవేంద్ర ట్రేడర్స్లో గురువారం తెల్లవారు జామున గుర్తు తెలియని వ్యక్తులు చొరబడి ఎనిమిది సిగరెట్ కార్టన్లను ఎత్తుకుపోయారు. షాపుకు వేసిన 2 గేట్ల తాళాలు పగులగొట్టి లోపలకు ప్రవేశించారు.
నలుగురు దొంగలు కారులో వచ్చినట్లు సీసీ కెమెరాల్లో రికార్డయింది. ఘటన స్థలాన్ని డీఎస్పీ నాగేశ్వర్రావు, టౌన్ సీఐ చంద్రశేఖర్రెడ్డి, సీసీఎస్ పోలీసులు పరిశీలించారు. ఓనరు శశిధర్ ఇచ్చిన ఫిర్యాదు మేరకు కేసు నమోదు చేశారు. దొంగల ఆచూకీ కోసం 2 టీమ్స్ ఏర్పాటు చేసినట్లు సీఐ పేర్కొన్నారు.
