- నాగోల్లో 50 తులాల బంగారం, డైమండ్స్ ఆభరణాలు, రూ. లక్ష నగదు చోరీ
- సీసీ కెమెరాల్లో రికార్డు అయిన దొంగల విజువల్స్
ఎల్బీనగర్, వెలుగు: సిటీ శివారులోని గేటెడ్ కమ్యూనిటీల్లో వరుస చోరీలు కలకలం సృష్టిస్తున్నాయి. తాజాగా నాగోల్ పరిధి పత్తుల్లాగూడలో గోల్డెన్ దివీస్ గేటెడ్ కమ్యూనిటీలోని రెండు ఇండ్ల (విల్లా నంబర్ 22, 89)లోకి శనివారం అర్ధరాత్రి దుండగులు చొరబడ్డారు. నంబర్ 89లో హేమలత తన కుటుంబ సభ్యులతో కలిసి దైవ దర్శనాలకు వెళ్లగా, ఇంటి తాళాన్ని దొంగలు పగలగొట్టి 50 తులాల బంగారంతోపాటు విలువైన డైమండ్ ఆభరణాలు, రూ.1 లక్ష నగదు ఎత్తుకెళ్లారు. విల్లా నంబర్ 22లో ఎటువంటి వస్తువులు పోలేదని బాధితులు పేర్కొన్నారు.
ఈ మేరకు కేసు నమోదు చేసిన పోలీసులు దర్యాప్తు చేపట్టారు. సీసీ కెమెరాల్లో నిందితుల విజువల్స్ రికార్డు కావడంతో దాని ఆధారంగా విచారణ చేస్తున్నారు.
