మెగా పవర్ స్టార్ రామ్ చరణ్, డైరెక్టర్ శంకర్ కాంబోలో తెరకెక్కుతున్న లేటెస్ట్ మూవీ గేమ్ ఛేంజర్. పొలిటికల్ బ్యాక్ డ్రాప్ లో తెరకెక్కుతున్న ఈ సినిమాలో రామ్ చరణ్ కి జోడీగా కీయారా అద్వానీ నటిస్తుండగా ఎస్.జె సూర్య, శ్రీకాంత్, సునీల్, నవీన్ చంద్ర, అంజలి, తదితరులు ప్రధాన తారాగణంగా నటిస్తున్నారు. ఇటీవలే ఈ సినిమా నుంచి టీజర్, పాటలు రిలీజ్ కాగా మంచి రెస్పాన్స్ వచ్చింది. దీంతో ఈ మూవీ నుంచి ఎప్పుడెప్పుడు ఎలాంటి అప్డేట్ వస్తుందోనని ఆడియన్స్ ఎంతో ఆత్రుతగా ఎదురుచూస్తున్నారు.
సంక్రాంతి కానుకగా వచ్చే ఏడాది జనవరి 10న ఈ మూవీ రిలీజ్ కాబోతోంది. ఇప్పటికే ఈ మూవీ నుంచి రా మచ్చ, మాస్ బండి సాంగ్స్ రిలీజ్ కాగా వాటికి మంచి రెస్పాన్స్ వచ్చింది. దీంతో మూడో సింగిల్ గా మెలోడీ సాంగ్ ను విడుదల చేయబోతున్నట్టు మ్యూజిక్ డైరెక్టర్ తమన్ తెలిపాడు. తాజా అప్డేట్స్ ప్రకారం ఈ మూవీ నుంచి మూడో సింగిల్ ఈనెల 28న రాబోతున్నట్టు మేకర్స్ పోస్టర్ రిలీజ్ చేశారు. దీంతో ఈ సింగిల్ కోసం ఆడియన్స్ ఆసక్తిగా ఎదురు చూస్తున్నారు.
ఈ విషయం ఇలా ఉండగా సంక్రాంతి బరిలో దిగుతున్న గేమ్ ఛేంజర్ సినిమా ప్రీ రిలీజ్ ఈవెంట్ ని అమెరికాలో గ్రాండ్ గా నిర్వహించనున్నట్లు మేకర్స్ ప్రకటించారు. ఈ క్రమంలో డిసెంబర్ 21న కర్టిస్ కల్వెల్ సెంటర్, 4999 నామన్ ఫారెస్ట్ గార్లాండ్ TX 75040 లొకేషన్ లో సాయంత్రం 6:00 గంటలకి ప్రారంభం కానున్నట్లు సోషల్ మీడియా వేదికగా తెలిపారు. దీంతో గేమ్ ఛేంజర్ సినిమాని గ్లోబల్ వైడ్ ప్రమోట్ చేస్తున్నట్లు తెలుస్తోంది.
