బీఎస్ఎన్ఎల్ అదిరిపోయే రీఛార్జ్ ప్లాన్: ఈ దెబ్బతో జియో, ఎయిర్టెల్ కు చుక్కలే..

జియో, ఎయిర్టెల్, వీఐ లాంటి ప్రధాన టెలికాం సంస్థలు రీఛార్జ్ ప్లాన్ రేట్లు భారీగా పెంచిన క్రమంలో వినియోగదారులు లబోదిబోమంటున్నారు. ఒకపక్క రోజురోజుకూ పెరుగుతున్న నిత్యావసర ధరలతో అల్లాడిపోతున్న సామాన్యుడికి రీఛార్జ్ భారం మూలిగే నక్కపై తాటిపండు పడ్డట్టు అయ్యింది. ఈ క్రమంలో భారత ప్రభుత్వ రంగ టెలికాం సంస్థ బీఎస్ఎన్ఎల్ వినియోగదారులకు అదిరిపోయే శుభవార్త చెప్పింది. కేవలం రూ. 2,398కే 14నెలల వ్యాలిడిటీతో కొత్త ప్లాన్ తీసుకొచ్చింది బీఎస్ఎన్ఎల్.

ఈ కొత్త ప్లాన్ ఎక్స్టెండెడ్ వ్యాలిడిటీతో, ఎక్కువ డేటాతో అన్ లిమిటెడ్ కాల్స్ తో వస్తోంది. తరచుగా రీఛార్జ్‌లతో విసిగిపోయిన వినియోగదారులకు మంచి ఆప్షన్ అనే చెప్పాలి. 

వ్యాలిడిటీ, బెనిఫిట్స్:

రూ.2,398కే 425 రోజుల వాలిడితో వస్తున్న ఈ ప్లాన్ తో రీఛార్జ్ చేసుకుంటే 14నెలల పాటు రీఛార్జ్ గురించి ఆలోచించే పని ఉండదు. ఈ ప్లాన్ డీటెయిల్స్ ఇలా ఉన్నాయి:

అన్ లిమిటెడ్ కాలింగ్: భారతదేశం అంతటా అన్ని నెట్‌వర్క్‌లకు ఉచిత కాల్స్.
రోజువారీ డేటా: రోజుకు 2GB హై-స్పీడ్ డేటా, మొత్తం 850GB. డైలీ లిమిట్ అయిపోయాక 40Kbps వేగంతో డేటా.
SMS బెనిఫిట్స్: రోజుకు 100 ఉచిత SMSలు.
 

జియో, ఎయిర్‌టెల్ మరియు Vi ప్లాన్‌ల పెరుగుతున్న ఖర్చులతో పోలిస్తే, బీఎస్ఎన్ఎల్ అందిస్తున్న తాజా ఆఫర్ వినియోగదారులకు సరసమైన ధరకే లాంగ్ టర్మ్ బెనిఫిట్స్ ఇస్తుంది.

ఈ ప్లాన్ ఎక్కడ వర్తిస్తుంది:

ప్రస్తుతం, ఈ రీఛార్జ్ ప్లాన్ జమ్మూ, కాశ్మీర్ ప్రాంతంలో మాత్రమే అందుబాటులో ఉంది. బీఎస్ఎన్ఎల్ ఈ ఆఫర్‌ను ఇతర రాష్ట్రాలకు విస్తరిస్తుందో లేదో క్లారిటీ లేదు. అయితే, లాంగ్ టర్మ్ ప్రీపెయిడ్ ప్లాన్‌లకు డిమాండ్ పెరుగుతున్న క్రమంలో ప్రైవేట్ టెలికాం దిగ్గజాలతో పోటీ పడటానికి బీఎస్ఎన్ఎల్ ఈ ప్లాన్‌ను దేశవ్యాప్తంగా విస్తరించే అవకాశం ఉంది.

ALSO READ | న్యూ ఇండియా బ్యాంక్ ఫ్రాడ్: రూ.122 కోట్ల ఫండ్ను ఎలా నొక్కేశారంటే..